《城寨》殺手太可惡 觀眾喊住叫隊冧天干~~~~

sponsored 《城寨英雄》進入結局尾聲，終極大佬天干(歐瑞偉)領導殺手組織，分別將朝霞(王君馨)同貓仔(伍允龍)殺死，觀眾眼白白睇住呢班衰人作惡，咬牙切齒！昨晚，天干除親手殺死貓仔外，就連親生女德莉(劉佩玥)都唔放過，實在令觀眾憤慨，難怪喊住大叫要隊冧天干！貓仔向德莉求婚 貓仔約德莉出來，一心想俾對方驚喜，先用桶水淋向德莉，再用佢家鄉話泰文向德莉求婚！期間貓仔準備送上求婚戒指時，做開大小姐嘅德莉即嬲到震，鬧貓仔點解無啦啦用水潑佢，貓仔講咩都聽唔入耳，之後怒氣沖沖表示要回家換衫！sponsored sponsored sponsored 德莉被天干刺暈 德莉的愛犬於途中發現白粉，德莉拿著白粉遇到天干，將發配白粉一事告知對方，咁就弊喇！天干扮無嘢叫德莉先趕往福利會處理此事，而佢趁機從褲袋中拿出支針刺暈德莉，藉此拿回包白粉！sponsored sponsored sponsored 天干想殺德莉 德莉暈低，天干亦拿回包白粉，不過，佢無就此罷休，反而想將親生女德莉都殺埋，認真冷血！此時，貓仔出現，並飛膝攻擊天干心口，將對方撞向磚牆！sponsored sponsored 貓仔展連環攻擊 為保護至愛德莉，貓仔對天干毫不留情，出盡全力拳打腳踢對方要害！但天幹完全無事，全程雙手放於身後，毫不還手任由貓仔攻擊，咁好揪，難怪天干係終極大佬！sponsored 無敵鐵布衫 貓仔發現天干有鐵布衫護體，點打都冇作用，惟有將天干掟向尖銃嘅鐵皮上，博對方唔留神被插傷！可惜，天干戰鬥力實在太強，竟然一啲事都無！而自以為城寨最好打嘅貓仔，開始感到緊張！天干露出狼紋身 貓仔見到天干身上有狼紋身，終於知道對方係殺手組織大佬！天干此時表示到佢出手了，幾招將貓仔打到頭破血流，完全佔盡上風，貓仔只有捱打！終極重擊 貓仔處於下風，被打到內傷嘔血，但依然無放棄，更向天干使出重拳一擊！可惜，天干嘅鐵布衫已達爐火純青境界，更將衝擊反彈番俾貓仔，貓仔瞬間被彃開至幾米遠！殺人唔眨眼 天干左手捉住貓仔條頸，右手拎住鐵枝，跟貓仔說：「你知唔知你輸啲咩，係情，呢個就係你罩門！」說畢將鐵枝直插貓仔身上，然後再說：「無情，就係無敵！」觀眾睇到呢幕嬲到拍曬檯，大鬧天干點解可以咁無人性！連女兒都唔放過 打敗貓仔後，雙手沾滿鮮血嘅天干行去女兒德莉身旁，成功從手袋中搵番包白粉！但係天干真係喪盡天良，竟然想連親生女都想殺埋，好在最後有街坊經過，天干即迅速離開，德莉走出鬼門關，而貓仔就咁慘死，觀眾都嬲到喊！牙佬、拳佬，你哋一定要為朝霞同貓仔報仇呀！


[圖擷取自網路，如有疑問請私訊]