【對話流出】網上聲討：去寵物展遇上黑店，與店舖網上開戰！

:0:0

寵物展最後一日
mami去咗一間booth no.F25 叫 hubby X Limited 買野
一共買咗$207,母親比咗$507

收銀個女人放咗找續嘅$300係收銀處張檯到
但媽咪當時掛住將d野放入袋就唔記得咗拎

直至佢係第二間鋪買野發現少咗$300 先醒起漏咗拎事隔約1hr
佢即刻番轉頭問間鋪
個女人好大聲話: 咩呀! 你咪袋咗囉!

媽咪驚自己記錯就將個手袋放係收銀處張檯到想搵真d另一個袋
然後就有另一個男人走過黎 (佢話自己係負責人)
用手將我媽咪個手袋由檯面掃落地下話: 扯啦 8婆咪阻住哂
仲同個收銀女人講話小心我媽咪會偷錢
佢語氣好似普通講野咁但內容極無禮貌
sponsored

之後我媽咪就勁嬲話:喂!你做咩搞我個袋!
然後再將個袋放番上檯
之後佢再用鋪頭的leaflet將我媽咪個袋再推落地下話: 嗱! 我無掂你個袋
我媽咪同佢吵咗一輪佢就係咁講d好難聽嘅野
類似就係8婆呀扯啦滾啦個d

仲叫我媽咪報警
之後又唔知講咗d咩好難聽嘅說話趕咗我媽咪出門口
我媽咪已經打定輸數拎唔番d錢就出去問個工作人員可以點做
佢叫我媽咪拎番張單去主辨單位到投訴佢等佢下年開唔到booth

我媽咪先醒起原來佢無比單
佢就再番轉頭問心平氣和問佢地拎番單
點知個女人就自打嘴巴好大聲鬧: 我點知你係咪係我到買
佢死到話個產品周圍都有得買死都唔開番單比我媽咪

但明明媽咪追錢的時候先實牙實齒話佢有拎到錢
即係佢記得我媽咪有買野啦
轉個頭想拎番單就話唔肯定你係咪係佢到買
我媽咪好嬲
佢已經唔係想追番錢仲要連應有嘅收據都唔肯比

(因產品好似有一年保養佢話)
最後報咗警先拎得番
等警察期間佢仲要用d貨扔我媽咪隻腳

佢仲要話係我mami阻住佢先扔到佢
但mami當時企係攤位外行人路中心
都唔知點阻到佢

我後尾接觸過佢地d人佢地係真心好無禮貌
問佢報咗警未佢話:我報咗警未關你咩事呢
問佢公司名係咩佢就話: 點解要話你知
我同媽咪as一個消費者點解要受到呢d待遇
錢我唔講的確係媽咪大意

但態度同說話係咪有必要咁差
掃人個袋落地仲要搵盒扔人收據又賴死唔比
Hubby X Limied就用300買起咗自己公司嘅的聲譽同信譽

好唔開心好委屈
一心去寵物展開開心心
但遇到咁無良的鋪頭
大家去為貓貓狗狗購物的時候真係要小心再遇到呢間野

店舖回應：
間野FB覆左喎Ching~
Hubby Rose Limited
2月22日 12:47 · 香港 ·
對於此事件，本店對有受影響之人士深表歉意
昨日發生時
公司職員開始時已多番禮貌對閣下解釋所有錢銀在交易時顧客有責任點清，所以無論1/2/3個鐘後返黎都無法証明（此規矩在場每一個攤位都一樣），而收銀員記憶中是閣下找錢時已取走300元。
暫且唔講到底有冇找錢，當時閣下堅持己見，疑似精神失常，衝入員工地帶，在收銀箱及職員財物旁翻出自己財物。
問心，如果你係老闆，有個人疑似白撞，死話你欠佢錢，仲要隔咁耐，仲要衝去員工地帶（顧客不能內進），有數萬元現金同同事財物隔黎，你點諗？係想搶錢還是其他企圖？
一路話報警，拎起電話又唔打，形同想令小店怕事而賠錢了事，但態度強硬，一直指本店欠閣下錢。
另外，收銀處寫明只有付款時先會出單（要單同唔要單係顧客自由，同時，同場有好多間賣緊同一樣產品），你隔咁耐再拎部（唔知係咪出面買多部但壞左）的電剪叫我做保養，大家點睇？
直到完場執貨，多番提醒閣下要等警察的話可以行開少少，(相信如果試過擺展的人都知道收場果陣,場內工人會準時開始拆帳篷, 繼續留在帳篷周邊好危險) 亦因為咁多紙箱係地下，有機會再俾藉口閣下話整親閣下，閣下就係唔郁，未幾，一棟的紙箱有一個塌在閣下腳旁，過多幾秒後閣下先：哎呀，整親，好痛，要驗傷。
如果係你，你會唔會更加肯定以上的閣下係黎搞事呢？而本身一開始態度好好，作出最大限量容忍後，會否有所改變？
我們雖然是小公司，但絕對不向惡勢力低頭！
另外感激警察先生的調庭，其實有什麼錢銀問題，早啲找保安或警察幫忙就好啦，你賴死唔走又唔報警真係好可疑呢。
以上為此事件的唯一及最後回覆，如態度上員工有過失，在此道歉。
有關閣下對有關事項的不正確陳述，從而引致本公的任何損失，本公司會保留法律追究的權利。

[圖擷取自網路，如有疑問請私訊]