結婚先睇清楚老公係咩人，擺酒既少少錢 30萬佢都唔肯比曬

同老公拍拖多年，啱啱結完婚渡完蜜月回來。拍拖時佢已經話父母預咗筆錢俾佢結婚擺酒，所以一早講好咗，除咗擺酒嘅錢，其他費用同佢攤分。sponsored到搞結婚嗰時，我哋都用個excel 記好哂啲數，方便之後埋數。除咗蜜月旅行，佢話請我去，我都主動話負責返當地駛費同其他雜費。好哋哋一直到婚前一晚，99打電話同我講，我請嘅朋友人情要拎返出嚟找酒席錢，擺酒既少少30萬佢都唔肯比曬，當時我好嬲都冇應承，老公氹返我，但聽到佢都係偏向99嗰邊。然後蜜月時都冇咩嘢，但一落機老公就變臉，大家就坐低傾。佢居然將過大禮時所收到的每封利是嘅銀碼都數落一番，嫌女家封得少，話封$50/$100倒不如封$10，俾乞兒咩？話佢哋封俾司機都$1000啦！sponsored好難聽，我覺得佢係完全侮辱緊我屋企人，點知佢哋鍾意用$1000封利是俾人，而且都係一種心意啫，我哋本身都唔係有錢人家，就算知都跟唔到用$1000封利是啦！而最難聽係，佢覺得我父母用咁少錢封利是係我嘅主意，我先係最貪錢嘅幕後黑手！最後，佢推翻哂婚前所有約定，話婚禮所有費用都要平分，包括蜜月旅行。而佢之前講嘅「婚宴由男家負責」就變咗做「婚宴由男家負責㨂地方同菜單」⋯聽完我覺得好傷心，都覺得佢個人好陌生，而家先知原來佢可以為錢可以去得咁盡⋯而家日日對住佢好痛苦，因為我都唔知道點樣去面對佢我都明白有時候錢真係可以好傷感情但係既然都結左婚 大家就應該好好包容唔好因為咁而傷大家感情屋主有冇試過同丈夫解釋你既睇法? 可能之間有誤會?sponsored我解釋佢都唔聽，淨係重申而家要全部開支平分返囉！仲話酒水同布置都要計埋！我唔知有咩誤會，我只知道如果佢信我，就算全世界話我貪錢，佢都唔會咁話我！所以我即刻覺得同佢拍拖嘅日子完全係白過！我老公去蜜月時冇嘢，係返到香港一落機先變臉


[圖擷取自網路，如有疑問請私訊]