【租車獨遊杜拜】幾個彪形大漢衝上車 戴蘊慧諗過自盡以保貞節

一個女人去旅行真係要小心呀！戴蘊慧（真真）喺上個月尾單人遊杜拜，幾乎發生被老笠嘅可怕事件，嚇到佢諗過自盡以保貞節！o依家仲喺歐洲嘅真真，佢接受《蘋果》電話訪問講番事發經過，諗起都一額冷汗：「我係第一次去杜拜，book咗一間五星級酒店，第二日由酒店安排我去沙漠行程，而我book嘅係private tour，話明private tour一定係得我一個人同車我嘅司機，司機係一個貌似『拉登』嘅當地人，自己絕對唔係種族歧視，佢仲邀請我坐司機隔籬座位，我都隨佢意願，以表示我嘅友好。」點知開車出發之後，奇事就接二連三發生，真真話：「司機開車時用手機肆無忌憚向我影相，我開始覺得有少少危機感，唔係好舒服，但架車已經啟程，於是我即刻將我哋合照擺上網，以防萬一。之後驚險在後頭，當我以為去緊沙漠嘅時候，架車突然駛咗去住宅區，我問佢點解帶我嚟呢度？佢嘰哩嘰嚕話要接埋其他酒店員工，我好驚，同佢拗：『呢架車唔係我book咗咩？』」
半粒鐘之後，幾個彪形嘅阿拉伯大漢上車，真真話：「我問點解會咁樣，覺得有少少恐怖，同埋司機將音樂聲量校到好大，我越嚟越驚，嗰班人不停喺度笑，喺度嘈，嗰時我靈機一觸，趁手機網絡訊號仲好嘅時候，我喺俾佢哋知道情況之下，用手機影曬佢哋同我合照嘅相，我同佢哋講：『我o依家po facebook，我fb有幾百個朋友，佢哋會知你哋係我旅伴，仲有fans page有成千幾二千人。』我特登話俾佢哋知，佢哋嘅樣已經上咗fb，司機第一時間將音樂聲量校細，佢哋嘰哩嘰嚕唔知商量乜嘢。」
真真話最恐怖係架車突然調頭，唔知佢哋想點：「嗰時我已經打咗最壞打算，如果佢哋有乜嘢行動，對我不利想侮辱我，我諗住自盡，以保名節，當我問佢哋做乜事去邊？佢哋話：『你唔係要去沙漠咩，o依家咪調頭去沙漠囉。』咁即係話我將佢哋嘅相，貼上網際網路係有效，佢哋都驚被人認得出，同埋如果我唔咁做，架車唔知去咗邊，o依家先調頭去沙漠，總之成程好驚險。」平安返酒店之後，真真馬上聯絡旅行社，佢話：「我希望同大家分享呢件事，一個人去旅行，無論你係通過好有信心嘅酒店訂private tour，都係要小心，去旅行最好同熟嘅朋友，仲要係一班人，尤其係去中東地方。」
==========================
●回教國家真係好危險，d穆斯林強姦猶如食生菜●
應該舉報，不然酒店推薦的司機和包車！（酒店是有責任的，我們出去旅行不是都相信酒店）
●這故事告訴我們車子要鎖門?


[圖擷取自網路，如有疑問請私訊]