【香港地】9款自訂車牌奇趣談，最貴嘅車牌相等如一個一千呎單位

駕著愛驅出巡，除了車款顏色搶眼球，擁有一個獨特的車牌都可以顯身價。自從2006年運輸署推出自訂車牌號碼服務後，街頭出現好多有趣車牌，蔚為奇觀。究竟最貴嘅車牌是甚麼？最貴嘅車牌，其實剛剛在今年拍賣成交，拍賣價高達＄1810萬！價錢相等如一個一千呎單位，或者問責局長五年人工。sponsored究竟邊個車牌咁威水？答案係「28」，易發也。咁最平嘅競投車牌呢？競投車牌並非只係上等人玩意，只要你捨得俾＄5000就可以申請，拍賣底價亦只係＄5000。唔少車牌其實都係以底價成交，例如「LOW B」、「0N D1ET」、「L0CUST」同剛剛拍賣嘅「N0 CY」......咁最長嘅車牌？原來運輸署係有規定，車牌係唔可以多過8個字（字母及數字）所以 UNG00G00、HEHEHAHA 呢啲，就係最長嘅車牌。導遊阿Paul最近特別留意街上嘅車牌，仲有好多有趣發現…… sponsored1. 唔少人鍾意卡通人物，除咗買公仔文具，仲鍾意到申請車牌! 係街上見到HEL0 K1TY同埋DINGD0NG，就諗起香港某位國際關係教授。其實鍾情SN00PY，可惜點都撞唔到。2. 的士掛TAX1車牌，有一種講唔出嘅霸氣。3. TVB車牌並非由無線電視中人擁有，而係一個餐廳老闆，純粹貪過癮，但有口痕友話，車主揸車時好明顯係冒著生命危險…… 順帶一提，亞視可能唔係永恆，但ATV車牌會永遠都存在，而且$95,000有交易，唔駛一篋金牛就投到。sponsored4. 揸跑車梗係希望風馳電掣，羨剎旁人，掛個JETSPEED係宣示立場。但係龍游淺水都會遭蝦戲， JETSPEED都有被抄牌失威時……5. 連車牌都寫明要WORK，證明車主太鍾意做野，廢青無話可說，甘拜下風，唯有早日申請返個「WORK HARD」同「D1E HARD」！6. 就咁用英文字，簡單直接，唔駛多言，車主可以好有想像（1MAG1NE）、創意（CREAT1VE）、發熱發亮 （LUM1N0US），或者鼓吹食得健康（NO PORK ）。sponsored7. 有唔少人用動物做車牌，兇猛如老虎（T1GER），可愛如小狗（PUPPY），都有人問津。sponsored8. 0u0 XvX遲啲會唔會有流汗、伸脷，或者順應Facebook，整個嬲豬樣車牌？9. 我愛香港（1 L0VE HK）萬萬歲！


[圖擷取自網路，如有疑問請私訊]