男人總是分一次醒一次

:0:0

同前男友分開左一年，期間佢都無再追番我，大家只要維持朋友的角色...當然我仲好愛佢...不竟大家一齊左七年多...由愛情都已經轉為親情...分左手之後好快我都同一個唔算太愛既男人拍拖..因為個男人都對我好好,最重要係我知佢愛我多過我愛佢好多好多...呢七年黎我都好努力為前男友付出同改變，可以話由一個一事無用，讀書唔叻既女仔變為一個大學畢業，大公司朝9晚6既文員仔。我好努力成為佢覺得滿意同理想既一位，目的就係為左一個名分同地位...可笑既無無論我點做，我永遠都唔會得到。咁多年黎佢無介紹過我比佢屋企人見，更加唔會同佢朋友食飯...我存在係佢既世界就好似一個隱形人咁...當然呢個都係我地其中一個分手原因，其二係我覺得同佢無將來...但分左手唔代表我唔再愛佢...因為我心知我好愛好愛...只是這些愛騙不到自己去接受現實...sponsored呢一年我繼續同呢一個我唔算太愛既男人繼續拍拖，繼續享受被愛，係好自私...但我都想休息一陣感受下被愛既感覺係點...當然時間過左我同新男友一而再再而三既爭吵，衝突，什至打架...已經令我對佢對感情更加失望同厭倦...慢慢多番同前度講野了解返近況。佢都有同我講過話好掛住番以前一齊既日子，但知道無可能再一齊，再直指已經對另一位女仔有好感，雖然不是太愛但都想嘗試同佢發展，當時我心都有點痛，但都知佢會有佢已將來，我應該大方祝福，我更加明白既係我係佢心目中有一個重要既地位安慰我曾經好努力付出過既心靈已經足夠...

sponsored好快佢地都一齊左...而我同佢都維持一個良好朋友關係...雖然我唔知佢心中點諗，但我仍然很愛佢...不久佢突然間同我講因為現時女友無安全感，所以要取消關註我既一切，更希望我可以接受佢既困難...我心中好難過，點解要犧牲我，點解因為一個岩岩拍拖既女仔放棄我地多年感情...難道想同我講...你很愛她對嗎？發生左呢件事我好似癲左咁做左好多好荒謬既野，當然佢都開始對我好反感...而最後佢都好絕情咁同我講我地永遠都唔會好似以前咁，而佢都已經唔再愛我...佢每一句說話都已經將我推到谷底...每天除左喊喊喊我都已經無野可以再做...我想要既亦不是要一齊返，我只係想係將我係呢七年努力付出同改變既一切留返小小可以記念既空間已經足夠，但最後佢就連小小生存既地位都唔肯比我...最可悲既陪住我喊，陪住我渡過悲傷既日子係我現時不算太愛的男友...sponsored悲傷既時間我發現到好多野....我發現我前男友對現時的女友真係好好...好過以前同我一齊好多好多...買貴重禮物，酒店開房，什至短短拍拖幾個月就已經一齊去旅行...以上的一切一切係我無論點做好，點改變佢都唔會為我付出一下...最後佢都突然間block左我Whatsapp...再一次推我落谷底...所以我都知情識趣...取消曬可以留意或聯絡到佢方法...我同佢已經失去曬所有聯絡...而有關佢既一切我都已經無再留意...因為我知道自己已經無辦法再去承受所有既痛...因為呢件事我對愛情都已經失去曬信心，唔識得點去重新愛其他人...相反，佢分左手之後就好識得點去愛人同tum人開心，可能佢真係好愛好愛個女仔...相反對我多年感情就只係一個唔想理會既責任...男人分一次醒一次，但往往醒都唔係醒係一個真心愛佢同重視佢既人身上面。而女人就分一次傷一次，對愛情觀都只係覺得失望同唔識點去重新愛下一個。sponsored