同「呢D」好煩既朋友 一齊去旅行，一生人試過一次就夠

越來越覺得多人一齊去旅行係一件好煩既事.........關西7日行程我一早就安排好曬，之前幾個月問人有無問題，一路無人出聲咁我就當無啦，出發頭兩日大家都圍威喂hehehaha好開心好熱情，但之後就好多問題好煩咁出現...人物介紹:A君，全程都算合作，會幫助完成行程。B君，頭2日好地地，但之後大部分景點去完都會話「咁都係景點？/好悶/做咩唔去其他地方/浪費時間等等...」，總之好多不滿，但我去既已經係最大路既地方。最後2日仲自己離隊去按腳同骨...C同D，係情侶，男既好少出聲，聽曬女朋友話。。女既超級港女一名，又係頭2日好地地，之後可能唔夠訓，日日黑曬面，成日搵位入人，又鐘意俾話說人聽，借機發洩。。最慘係女人既購物慾，711又行幾個字，是但求其一間野又要行幾個字，大佬，我地幾個大男人，就on99咁企喺度等。。去到景點唔係拿拿林去景點位行下，而係用好多時間去景點既商店街。。最慘係某d景點又因為大小姐要睇商店而過左時間關左。唉好心明知景點好早關，又唔早d訓，早d起身出發，又要日日三更半夜都唔訓。。又鐘意經常問問題(去邊呀，點行呀，咩黎架，聽日做咩，今晚食咩等等...)，問完又唔係幫手搵路，純粹係滿足自己好奇心（但行程其實出發前幾日send左喺群）

E君，港女契哥，對於行程既作用同付出係接近零。又係聽曬呀妹話(點解而家香港咁多小男人架)，我問親大家既意見，就自動有2個男人唔出聲，聽個女既講左想點就照跟，做應聲蟲，後期仲成日做呀妹傳聲筒。最難堪有一日，去嵐山，我早幾日已安排買左小火車，本來預左2小時岀發，點知cde遲到15分鐘，中途有一班轉車趕唔到，我被B君大力指責，時間出錯，完排得差，其他人冷眼旁觀，無人會覺得係因為有人遲到而趕唔到。我唔知如果cde無遲到15分鐘趕唔趕到，但就算我預2個鐘咁多都趕唔到既話，又洗唔洗當面指責我呢？！幸好小火車俾我改時間，坐遲一小時的小火車，當然大家對等一小時係表示西面同不滿表情。而之後坐完小火車亦媽聲四起，又話無野睇，又話浪費錢浪費時間咁。我真係覺得好難堪，點解無人體諒下，或者試下倒轉諗下我角度。早左行完又問你做乜咁早出發，遲左或景點關左又問你點解唔早d，大佬，我都係第一次黎，又唔知大家步伐，點知要行幾耐。而且每人喜好又唔同，我又唔知大家鐘意睇咩。去到某d寺要俾錢入場又話唔入，我真係O曬咀。更加既係我又無收錢，又唔係導遊領隊。你地玩手機既時間我都要睇行程諗搭車仲唔夠慘咩。一味掛住批評，掛住不滿，自己又乜都唔做。玩完多謝都無聲，好似老x馮要人安排好曬住宿機票行程咁。唉，佢地係我好朋友，我只係發洩下，無諗過絕交，可能旅遊真係會令大家既真面目出曬來。我唯有安慰自己，大家應該係唔夠訓，都有d燥燥地姐！！


[圖擷取自網路，如有疑問請私訊]