香港男仔最憎呢~10種垃圾女朋友

香港男仔最憎呢~10種垃圾女朋友sponsored之前學識咗唔好亂講嘢 ，今次就要知男朋友最憎嘅女朋友類型。可能你會話：憎又要一齊？咁而家係講緊憎哩個類型，唔係憎你吖嘛。你有好多好多方面令佢好鍾意你，所以佢唔可以直接將你歸類為佢憎嗰啲類型。如果Sizz知道男仔最頂唔順邊啲類型，然後努力脫離哩個分類，大家相處得開心啲，交又嗌少啲，感情都好啲啦。1. 過份敏感型即係佢講1句，你都會聯想起好多嘢。舉個簡單例子：佢送份禮物俾你純粹想氹你開心。但你會諗：做乜無事獻殷勤？佢係咪做咗啲對我唔住嘅嘢？其實佢真係咁啱見到份禮物襯你先買嚟送俾你，但因為你太敏感，佢又要無端端解釋一輪（你可能仲唔信添），解釋咁耐乜情趣都冇曬啦。sponsored2. 斤斤計較型想做賢妻良母，為另一半好好理財絕對係值得欣賞嘅事，但偶然都可以錫自己、錫對方多啲，花多少少俾大家開心嚇。好似去旅行咁，樣樣都計到足又點玩得盡興呢？又例如一齊去街，可以今餐你請、下餐我請，大家配合得到就冇問題，唔一定要1分1毫都計足嘅。3. 前度錄音機成日將Ex講過嘅嘢掛嘴邊。或者你嘅原意只係純粹想佢知有啲位可以大家都配合得好啲，冇心要比較啲乜，但聽嗰個唔會咁諗㗎：「個Ex咁好，你唔返去搵佢？」聽完哩句，你又會嬲！sponsored4. 識少少扮代表型1個平等嘅討論氣氛好重要，當是但1邊擺出1副「XX嘅嘢，你識條鐵咩？」嘅樣，咁就冇辦法互動落去。虛心受教嘅佢只可以唔出聲聽你講，唔講唔講就唔會再講，又或者會爆發1句：「得喇你啱曬，我錯曬啦好未？」然後？你咪又著咗囉。5. （太）獨立自主型算係上1個類型嘅延伸版。因為你覺得你識得夠多，男朋友對你嚟講好似變到可有可無咁。當佢唔係好搵到自己嘅存在價值，再加上哩個時候你都仲係「唔輸得」，佢可能就會心淡。sponsored6. 忽冷忽熱型極端啲嘅Case就係所謂嘅「呼之則來，揮之則去」，哩頭話「BB，你好好啊，我冇咗你唔得」，轉個頭就「你做乜成日都要咁管住我啫！我都需要私人空間㗎！」咁走嚟走去實攰啦。7. 媽媽型即係成日好似媽媽湊仔咁，哩樣唔准嗰樣又唔俾，Sizz自己唔鍾意之餘，其實對方都好憎。「我想你好咋！」哩句萬能Key都唔知傷過幾多男仔心。sponsored8. 驚驚青青型少少事都好擔心好驚，長期處於緊張狀態，搞到冇1刻可以好好享受。其實好多嘢都唔係想像中咁恐怖，反正有佢陪你一齊做，你肯試嘅話可能又會睇到唔同嘅風景呢！9. 左耳入右耳出型你成日都話想了解佢多啲，但到佢鼓起勇氣同你分享心底問題嗰陣，你又係聽完就算，轉個頭就唔記得。你問嚇自己，佢解釋咗幾多次咩叫越位俾你聽？你聽完之後有冇記住？定係準備11月17日去旺角場支持港隊嗰陣又問多次？sponsored10. 痴身型係啦，就係電話1響就要聽，男朋友同朋友踢場波都要跟到底嗰種。你鍾意佢，想成日前痴住佢好正常，但又唔駛1日23小時都要身貼身嘅（咩啫佢去廁所同沖涼我都冇跟住佢㗎）。好似上面提到，大家都需要私人空間㗎嘛。睇睇嚇係咪覺得個題目轉做「女仔最憎嘅男朋友類型」都啱用？其實係㗎，因為你哋係對方嘅「另一半」嘛，想法同感受都係共同擁有，所以一齊學就啱曬喇。sponsored


[圖擷取自網路，如有疑問請私訊]