日本可愛人妻嫁港男！港女收皮？！

:0:0

【介紹篇】
首先介紹下女主角，系1985年出生嘅上原あずさ（上原梓），佢嘅樣就系標準嘅日本可愛妹妹風，相信熟悉日本女仔嘅朋友應該都會覺得佢個樣都唔錯，當然小編啦～

佢08年喺美容院打工果陣，上班之餘最鍾意通過Email同世界各地嘅人溝通，就系果個時候認識咗喺日本留學，大過佢5年嘅香港人胡輝。

sponsored

話咁快胡輝就約佢出嚟賞櫻花，期間仲爆出一句「其實你仲靚過啲櫻花」，就咁打動咗佢嘅芳心，成為咗戀人。胡輝翻香港之後，兩個人開始遠距離戀愛。

到咗2012年胡輝邀請梓來香港同住，4個月後喺屋企求婚成功結成夫婦。他求婚系送上9支玫瑰，話喺香港系代表長長久久。

佢哋嘅愛巢築喺粉嶺，目測個單位大概500尺（46平方）左右，胡輝喺建築公司上班，收入2萬元左右，而妻子睇嚟應該無嘢做。

胡輝話鍾意梓系因為佢份人溫柔得嚟又唔會輕易發嬲。嗱嗱嗱，日本女仔喺呢個方面真系無得彈，甚至系台灣嘅女仔都唔錯，而對於某些港女，認真未夠班！
【風水決定裝修】

梓話佢無辦法決定室內裝修，因為全部都要睇風水，窗簾布同鋼琴布要用金色，根據阿輝家姐話系用嚟提升金錢運。

床底要放砌成十字嘅舊五角幣增加財運，窗邊要擺兩杯水驅走啲衰運，又系姑奶嘅主意。記者問梓本身窗簾布想要邊種色，佢話對住啲金色上曬腦，最多諗到米色，再追問佢先講話想要粉紅色。

最誇張系個老公為咗風水，要佢喺良辰吉日剖腹生仔，結果梓終於反抗，話如果唔俾佢自然分娩就要翻日本，似乎革命成功。其實生兒育女呢人生大事，做阿媽嘅絕對唔會認低威，就算系日本女仔都一樣！

香港人比日本人仲迷信風水，呢樣系事實，但去到連生仔都要搵個良辰吉日剖腹產子，誇張成咁，喺平民百姓中都應該好少見吧？小編身邊就無同類嘅例子啦。你呢？
【危險的晾衫架】

節目介紹因為香港山多平地少住宅密集，所以晾衫要晾喺窗外，梓啱到果陣覺得好騎呢，簡直難以置信。大家就算無喺日本住過，齋睇日劇都會知日本人嘅住宅會有露台用嚟晾衫，所以人妻唔理解都好正常。

拍攝期間梓執到跌落嘅底褲一條，有啲尷尬，之後去樓上歸還時梓用半咸半淡嘅英文同廣東話，而對方只開咗半個門摞走，十分警戒。

節目為咗照顧日本觀眾，專登用動畫介紹拉繩式晾衫架嘅操作，現場嘉賓睇嚟真系大開眼界。之後梓仲話老公講一年會有好多人因咁樣晾衫跌落街，搞到有時夜晚要晾衫佢都有啲騰雞。

【可怕的蒸魚骨】

梓嘅老公零舍鍾意食蒸魚，仲會親自下廚。大家仲以為入得廚房嘅老公好好，梓就話佢食蒸魚嘅習慣令人一頭霧水。首先喺張台上舖報紙，日本人都覺得少見。丈夫自製蒸魚明顯系因為個老婆唔識點整啦。

之後節目以為系新婚夫妻嘅甜蜜晚餐時，鏡頭影到丈夫直接將魚骨吐喺報紙上，令現場嘉賓肉緊到哇哇聲。胡輝話咁做系因為「方便」，包起就可以掟，梓就話開始時會覺得污糟，但之後只可以接受。

記者懷疑係胡輝嘅問題定系香港人嘅問題，直闖大牌檔發現人人都咁做，就肯定系香港人嘅習慣了。
其實呢樣嘢又真系飲食文化嘅唔同，日本人24小時都要保持儀態，所以出街化妝食嘢斯文，香港人就比較不在意表現「自我」，好難講清邊個啱邊個錯嘅。
sponsored

首先小編至憎就系中式蒸魚，最大原因就系果啲吐不完嘅魚骨，所以呢個問題一定唔會發生喺小編身上。其實小編見到胡輝自行執拾唔使老婆出手，亦已經覺得無乜大問題，但都應該稍為照顧下對方嘅感受，起碼攞只碗出嚟俾個老婆嘅視線好過少少啦。
【杯麵湯倒廁所】

鏡頭影到丈夫宵夜食杯麵，跟住介紹咗香港即食麵市場，話出前一丁無得頂，占咗市場嘅60%，仲有本地口味如XO醬海鮮味共17款。不過杯麵同即食麵系兩款唔同嘅產品吧？

丈夫食完面就拎住杯入咗廁所，旁白對佢嘅行為覺得好奇，結果見到佢將油膩膩嘅湯就咁倒入廁所。問佢點解咁做，他嘅理由同吃蒸魚將骨吐落台一樣系「方便」，完全唔覺得有問題。
至於人妻就話咁做令佢覺得洗廁好大件事，已經唔想做，節目現場嘉賓只能苦笑。

對廁所衛生嘅講究，日本人認第二，無人敢認第一。去過日本嘅朋友應該會知，由酒店到百貨公司嘅廁板都會有溫暖同射水清洗裝置，未去過嘅朋友可以睇電影《羅馬浴場》感受下。咁高貴嘅地方點可以俾啲杯麵湯玷污咗呢？你可以去日本享受當地一流嘅廁所文化，而日本女仔當然會覺得香港人用廁所很唔衛生實在好正常咯。
【飲茶負責霸位】

節目介紹咗香港出名嘅飲茶文化，訪問咗香港人俾現場嘉賓知道一家人星期日去飲茶系一件很普通嘅事，而且覺得梓可以食到和味嘅點心真系好，但佢竟然話去飲茶好麻煩，咁又點解啊？

原來老爺奶奶姑奶星期日早上8:30會到佢屋企，然後梓一個人出發去附近茶樓等位，去到第一間發現要等好耐，要到第二間先搵到位。睇到呢度連小編都覺得奇怪，要一個唔幾識廣東話嘅日本女仔一個人去酒樓霸位？呢個唔通系懲罰GAME？

同一時間丈夫一家人就留喺屋企睇電視傾大計。
見到咁嘅場景簡直系就～要咁卡哇伊嘅日本女仔受啲咁嘅苦絕對唔可以原諒！要知道佢唔似其他香港女仔咁不介意素顏殘樣見人，習慣尊重他人尊重自己要化好妝先落街，分分鐘7:00就要起身準備服侍呢班大帝～

等到位，梓洗乾淨杯碗筷子後，先打電話叫丈夫一家人落嚟，等待期間睇書學習廣東話，結果大爺們到後施施然入座一句「多謝」都無，節目現場嘉賓對於佢哋咁得戚個樣都咬牙切齒！

因為唔識中文，所以梓唔知可以點啲乜，個老爺大講朋友中咗乜鬼獎，奶奶就叫個仔快啲教新抱學識廣東話，梓面懵懵咁問老公奶奶講乜，相信無論系香港定系日本觀眾都會好同情佢。

一家人並無理會梓嘅感受亦無打算同佢直接交流，繼續中國人嘅閒話家常，於是佢只好唔停咁食食食，食奶黃包食到失曬魂咁，又頻頻打喊路，等到老爺話起行，已經食咗3個鐘！

飲茶飲3個鐘好正常，問題系現場有一個無法投入好可憐又可愛嘅女仔，竟然當無睇到？主動叫佢睇下廣東話書或者玩下手機都好啦！
離開酒樓，記者問佢嘅感受，她話個個禮拜都系咁，如果一個月飲茶一次幾好。

呢一連串正撲街嘅行為，同文化差異根本無關。人妻所做嘅事同菲傭有乜分別？當對方系一家人嘅話就應該尊重下人哋！無錯日本女仔系比較習慣咗粒聲唔出做曬啲嘢，但都唔代表她好恰，就將日本男尊女卑啲咁嘅嘢搬過嚟！人地喺日本住起碼有乾淨舒適嘅廁所，唔使對住啲蒸魚骨，亦都唔使冒生命危險去晾衫，你哋又提供咗乜嘢啊？
而最後梓仲講話雖然系咁，但仍然「冇問題」，再一次見證咗日本女仔順從包容嘅優點。

其實唔系話所有嘅日本女仔都會咁樣，當地一樣有刁蠻嘅惡女，但平均嚟講較溫柔體貼系事實。亦都唔系話港女一定要學到好似佢哋一模一樣，但樣靚又溫柔，10個男人之中10個都會受，何不在擁有聰明獨立優點嘅同時，學習下呢啲優點，提升下自己喺愛情上嘅戰鬥力？
當然，遇到咁好女仔嘅男人，都要多加珍惜，唔好俾佢一個人去霸位飲茶喇。如果唔系，唔該介紹俾小編呢個好男人啦！

来源：mp.weixin.qq.com

[圖擷取自網路，如有疑問請私訊]