【多圖】【崔碧珈都輸】前無綫甘草36D伍慧珊淘寶款前後透視裙

:0:0

sponsored 劉心悠、劉浩龍（師兄）、伍慧珊、崔碧珈、楊柳青、曾詠欣同張揚今日喺飛鵝山為新片《幼兒怨》進行開鏡拜神，其中崔碧珈同楊柳青更以車模造型現身。雖然36G巨咪崔碧珈「爆胸」示人，但擁有36D,24,36身材嘅伍慧珊一條黑色前後透視裙，只遮三點搶風頭，如果郁動幅度太大，佢分分鐘會春光乍曳，伍慧珊表示全真空上陣，佢話：「之前喺馬來西亞拍嘅時候，原本有條C字褲，但因為太熱甩咗，好尷尬，把心一橫就索性除咗，都搏到盡。」伍慧珊指12年離開無綫及HKTV後一於大解放，戲中有場挑逗師兄場面，佢話：「會再XX啲，超越情趣內衣嘅XX程度，但三點不露，係意識大膽。」問到在旁嘅崔碧珈會唔會有經驗分享？佢話：「我經驗好淺，不過要做足安全措施，我唔怕搶鏡。」講到佢遇到「勁敵」伍慧珊，崔碧珈話：「唔知呀，我未必太激，不過我未試過全真空，但係拍另一部戲試過唔著。」敢著伍慧珊件衫？定係敢飲老鼠酒？佢話：「都ok，但要著嗰件衫就要考慮，怕身材唔好。」sponsored 講到崔碧珈同伍慧珊咁XX，師兄同心悠都話唔敢望。對於伍慧珊指有場挑逗師兄戲份，師兄話：「佢圍住條毛巾，冇乜嘢丫！」但伍慧珊表示XX程度已超越情趣內衣，師兄好大反應咁話：「嘩，我諗佢太保守。」事前要唔要向女友容祖兒備案？師兄話：「唔需要，我哋係專業演員。」祖兒有冇試過圍毛巾咁X感？佢苦笑話：「答你唔到。」此外，提到早前喺馬來西亞拍戲時，師兄指有件靈異經歷，佢話有日收工去廁所,點知被反鎖喺入面，好彩當時佢有電話，即刻叫人救佢，已後有工作人員同佢講廁所的確「有嘢」，不過師兄以科學角度睇，認為門鎖太舊加上多人用先有咁情況。而心悠就話發現一隻比佢手掌更大嘅飛蛾。