處女真人騷搏到盡佘詩曼揸爆羊睾丸！痛到叫曬救命！
內地真人騷大行其道，港星爭住北上搶拍，王祖藍、Angelababy靠《奔跑吧兄弟》賺到笑，近年連胡杏兒、容祖儿、楊千嬅等都受唔住高價誘惑參加真人騷。從未拍過內地綜藝節目慨佘詩曼，最近都接拍咗處女真人騷《星廚駕到》第三季，要同田亮、秦海璐等其他明星斗廚藝！
平日絕少下廚慨阿佘，話參加《星廚駕到》係由於媽咪好鍾意睇飲食節目，第一集更煮咗一道菜叫“親親魚”，系佘媽媽以前為咗氹阿佘食飯，於是淋啲甜酸汁上條魚上面，再叫阿佘錫下條魚，勁有愛！不過阿佘㓥魚時唔小心俾魚刺拮到出血，痛到叫曬救命！
㓥魚已經雞手鴨腳，阿佘晌第二集洗內臟時更加狼狽！節目要求阿佘要將豬肺、豬腦、粉腸、雞腎同羊睾丸洗乾淨，未真正落手處理前，阿佘已經嚇到面青，輪到洗雞腎時，阿佘竟然反胃作嘔，嚴重到話想退出比賽！
同雞腎搏鬥完，阿佘洗豬肺時一臉嫌棄不斷嗌臭，反而切羊睾丸時一啲都唔驚，仲興奮到拎起兩邊蛋蛋作狀揸爆佢！幾時都話，千祈唔好得罪女人，尤其係阿佘呢一種呀！
daliulian.net
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
每日最熱話題頻道
