網傳與阮小儀相戀　余文樂仲瞓喺張床度，就急不及待要回應

sponsored余文樂仲瞓喺張床度，就急不及待要回應。今早各大社交網流傳一篇文章，以「傳余文樂、小儀公開戀情、承認相戀」為題，內容大意就係話34歲余文樂同45的小儀喺出席活動回答記者提問時默認戀情，嘩！件事咁爆，隨即傳遍各大討論區兼且引起熱烈討論，fb亦都洗曬板，有網友送上祝福，力撐小儀口才了得又煮得，亦有網友話「得啖笑」、不過更多嘅係話「唔信」。正當大家都諗緊點解當事人仲未蒲頭回應之際，男主角余文樂終於瞓醒，佢今早約9時多更新ig，佢上載一張「床照」，而且滿面鬍鬚，證明佢未來得及梳洗連床都未離開之下就急住回應，而佢個樣則做出O嘴的表情、手放在額頭上，一臉震驚的樣子，寫道：「今天早上起來，竟然收到很多朋友的訊息，一打開發現全都是問我同樣的問題！！！就連我媽都打來問我，我第一個感覺就是^^^^^^只能說我真的年紀開始大了，大家真的很擔心我感情沒有著（著）落！！！小儀如果我過幾年都找不到對象的話，我們就真的在一起吧！！！」sponsored嘩！估唔到連樂仔阿媽都親自打電話畀阿仔詢問戀情，睇嚟余媽媽都好可能喺社交網度見到篇文章。雖然樂仔今次就否認與小儀相戀，但佢有留後路畀自己，佢話如果過幾年自己都搵唔到對象嘅話，就與小儀真的在一起吧，過幾年，小儀都年近半百，嗱，樂仔，男子漢大丈夫講得出要做得到呀！sponsored


[圖擷取自網路，如有疑問請私訊]