「真兇」自首 林志玲被辱罵真相公開

上星期陳冠希(Edison)突然喺微博爆粗辱罵台灣名模林志玲(Chiling)，但兩人從未合作過，何以Edison咁大火氣？不久後就爆出Edsion名模女友秦舒培本來有份參加內地節目《我的新衣》，但因Chiling隔空阻撓，以致秦舒培最後被飛出節目，所以Edison先霸氣出口護愛！咁到底係誰是誰非？日前終於有答案！一位自稱代理經理公司人士喺微博「自首」，公開數段對話記錄及聲明，指自己的不當言論引發了是此風波，所以鄭重地向受牽連的人士道歉！sponsoredsponsoredEdison上星期喺微博上載Chiling張相，仲用英文爆粗狂罵，話Chiling係「八婆」，又話佢唔係真正演員及名模，仲暗示佢進行過不道德性交易等。之後有消息指Edison係替女友秦舒培，因為秦舒培本來有份參與內地節目《我的新衣》，但Chiling卻耍手段令對方被飛出節目，Edison即時嬲爆！sponsored早前Edison及Chiling同時在上海出席活動，Edison接受訪問時依然火爆，話已經俾咗多次機會Chiling，仲揚言會再爆大鑊！至於一直保持低調的Chiling就完全唔明Edison點解咁嬲，接受訪問時仲委屈到喊出嚟，真係唔似扮嘢喎！不過大家唔使再估估嚇，呢件事今日正式真相大白！一個名為「紳士風度香」的微博用戶，表示自己係一代理經理人公司的工作人員，即負責為《我的新衣》推薦超模人選的負責人。佢表示最終節目組最終冇起用秦舒培，亦冇透露不起用的原因，但因為秦舒培一再追問，佢情急下隨口以「林志玲那邊不想讓你參加」為理由推脫… 結果禍從口出，釀成今次事件！sponsored佢再另發一段聲明，表示因為自己的妄言對秦舒培造成困擾，但同時強調任何工作在正式簽約前都係有變數；另外又話萬萬想唔到Edison會爆粗鬧人，總之就對連累Chiling感到好抱歉。sponsored「紳士風度香」先公開與秦舒培的對話內容，見到佢在事件發生後亦有再向秦舒培致歉。sponsored最後仲有一段長篇聲明，內容大概係話今次事件全因自己的不當言論引起，《我的新衣》節目組及Chiling本人與事件毫無關係，佢哋完全唔知自己同秦舒培的溝通內容。佢今次的言論令Chiling「背了黑鍋」，所以在聲明多次向Chiling道歉。事件終於水落石出！雖然事件看似已經解決，不過Edison似乎唔多滿意，佢上載一張有「Scapegoat」(代罪羔羊)字樣的相片，並留意︰「同志！辛苦了！林志玲auntie應該會滿意的！」暗示Chiling係搵人做替死鬼，又揶揄對方年紀大係auntie，睇怕佢啖氣有排都未消！sponsored


[圖擷取自網路，如有疑問請私訊]