中六最後一年，有個肥婆鐘意左我，呢個簡直係我讀書時期最大既污點

中六最後一年，有個肥婆鐘意左我，呢個簡直係我讀書時期最大嘅污點....................sponsored 是咁的，話說我今年中六最後一年，我地班開始傳有個肥婆鐘意咗我，呢個簡直就係我讀書時期最大嘅污點，平時同個肥婆無咩接觸，做咩會傳佢鐘意我呢? 比人鐘意係一件好幸福嘅事，但比個肥婆鐘意......即刻比班朋友笑到臉都黃，本來對呢個肥婆無咩野，但呢家真係覺得佢好討厭。由於我自己都有鐘意嘅人，我都追緊女神兩年，今年Last year係我最後機會，我唔想比呢啲傳聞影響到我追女神嘅計劃。但呢個肥婆喺我地班女仔圈子之中人緣好好，特別女神都成日同佢玩，所以我都唔敢對呢個肥婆做出咩行動，廢事女神話我恰佢。可能Last year效應，個肥婆開始對我主動出擊，成日有意無意咁撩我傾計，又請下啲零食比我，嘩屌!每次見到我都淆到仆街，完全想像到班friend點樣笑我，所以我都避得就避。sponsored 但估唔到，個肥婆大膽到竟然主動約我去睇最近套《我的少女時代》，我心諗!呢套野好明顯係比班少女睇，而唔係《我的肥婆時代》囉!之後我就想拒絕，但一諗起佢係女神個朋友，我就好婉轉話下次個中史測驗如果你拎到頭三名，我就同你去。以我同佢咁多年同學，佢成績咩水平我一早知，拎到頭三名對佢嚟講簡直天方夜譚!算了，比佢機會佢放棄都係一件好事。點知，佢真係拎咗中史科頭三名返嚟比我睇，一個平時墊屍底嘅人有咩可能拎到頭三名? 佢係背後溫咗幾耐書? 但我唔敢諗落去，因為我危機出現，我就話就嚟陸運會，如果你可以加入啦啦隊為我地社打氣，我就同你去睇喇! 呢個我估佢一定放棄喇! 以佢嘅身型加入啦啦隊，仲要練舞......完全唔敢想像個畫面係點! 人地實笑佢!點知，佢真係加入咗啦啦隊。sponsored 當佢高高興興咁問我幾時睇套電影，我就話我呢排要專心練跑未必得閒，我就再比多個要求，如果你可以係班際4x400米接力賽到入到頭三，我就同你去睇喇! 我心諗，拎到頭三已經無可能，我諗我地班都未必肯比佢成為其中一棒，咁姐係讓賽姐!自此之後，佢就無再搵過我，咁又係，呢啲要求又真係幾過份，但無計，原諒我，呢種令你知難而退嘅方法係對大家最好。而我亦加緊同女神溝通，我都拼咗條命去追女神!sponsored 我同女神講:「如果我跑200米拎到第一，你就陪我去睇《我的少女時代》好唔好?」女神笑笑口話好，我就好鼓舞，追咗佢兩年，今仗陸運會係我最後戰役!!於是我就開始秘密練兵，不斷練跑，練氣，操Fit自己，希望用100%狀態去迎接呢個陸運會。某日，我照舊每日六點至八點都練跑，但今日因為補課關係，所以無去跑，但唔想哂咗一日，於是九點幾去運動場諗住練跑。點知，我竟然見到個肥婆大汗搭細汗，臉都紅哂咁係到跑步，佢咁落力練跑做咩? 佢有報比賽咩? 突然，我腦海閃咗一閃，我諗起我話如果佢嬴到班際接力賽我就同佢睇電影，唔通佢真係去跑?我靜靜地坐喺看台睇住佢跑，望住佢跑下又停下，跑下又停下嘅辛苦樣，我就開始內疚，佢真係咁想同我去睇電影? 為咗同我去睇電影，佢可以去到幾盡?sponsored 第二日放學時侯，班死仔話要睇班囡囡係操場練舞，咁我都知女神係其中一份子，我當然去睇下佢喇! 當去到操場，我竟然望個肥婆多過望女神，班死仔瘋狂係到笑佢跳得好肉酸，話睇住佢啲肥肉係到震，我心諗有冇咁誇呀? 其實睇真啲，佢又唔係話真係好肥姐......但見到佢認真落力嘅樣，我反而有啲驚。sponsored 我好驚見到佢咁落力，我會好有壓力，我好驚比人知道我地有呢啲約定，到時我水洗都唔清，我更驚佢真係做到我以上要求嘅野......之後我地男仔就同班女仔一齊放學，行行下我趺咗本書，正想執之際，個肥婆即刻幫我執返，佢呢下舉動令我無名起火，即刻大叫:「洗撚你執呀?」各人都嚇到呆咗，而我都唔知點解咁講，可能我積壓太耐，又怕比人笑，所以我就黑哂面走咗。直到陸運會當日。「男子甲組二百米，最後召集。男子甲組二百米，最後召集。」呢場係我生死之戰，追咗女神兩年，難得女神開金口應承我，如果我可以拎到頭三甲，就同我去街睇電影。我等咗呢一刻好耐，而呢一戰亦都好多人知，紛紛為我嘅未來幸運打氣。而我行去起跑線前，我望到個肥婆企喺遠處望住我，似乎佢都想為我打氣，但自從上次爆粗罵佢之後，佢就唔敢再同我講野了。sponsored 呢刻，我望住佢，內心一陣內疚慚愧嘅心不斷湧現，我好想向佢揮手多謝佢支持，如果我咁做，我地關係就會冰釋前嫌，至少唔會令佢難受。「各參賽者準備!」司令台一下口號，令我本來已準備舉起嘅手都放低落嚟，點都好，捱過呢一戰先。辛苦咗咁耐練習，亦要為我未來幸福而拚命，可惜事與願違，我最後得第四名，輸咗。身邊嘅人都話我唔抵，差少少就拎到頭三。但我呢刻反而無咁在意，我在意嘅係個肥婆。Lunch時侯，我一直都無出聲，朋友以為我輸咗比賽心情唔好。但其實我係到諗一陣下午就有班際接力，我知道肥婆有份去跑，我亦都知道佢一定會係成千人面前出醜，以佢個條件點可以嬴? 反而包尾嗰陣，成班花生友真係指住佢嚟笑!!我一諗起呢一幕，我就痛心。而痛心嘅係我將佢推出去死。sponsored 「六年級班際四乘四百米接力賽，最後召集。六年級班際四乘四百米接力賽，最後召集」我一聽到呢個召集，我內心即刻離咗一離，腦海一片空白。「喂喂!輪到我地班喇!聽講個肥婆會去跑!屌佢老師竟然肯比佢跑!呢獲輸撚梗喇!」「咪講咁多，落去跑道食花生睇表演!笑下先!」班死仔把口真係賤到仆街，我都跟埋佢地落去跑道，發覺我地班所有人都跟埋落去為佢地打氣。我見個肥婆去咗飲水機飲水，我就忍唔住趁無人發現，就行埋去同佢講。「你一陣唔好跑，你實會比人笑。」我語氣深長地說。肥婆見到我面露笑容，話我終於肯同佢講野，仲話上次唔好意思。我見佢答非所問，我就再講:「你一陣唔好跑喇，你應該知道你唔會嬴，預期係咁，不如唔好跑喇!你實會比人笑死架!」sponsored 肥婆望住我，沉默咗一陣，就慢慢行去跑道準備比賽。呢下我即刻叫停佢:「喂!唔通最後一年你都想比人笑咩!」肥婆停咗落嚟，轉身同我講:「就係最後一年我先唔想後悔。每個人都會為自己鐘意嘅野而努力，我都想為我自己鐘意嘅野而付出，正如你想嬴二百米一樣，你都為你女神而努力過。」「但係......」我再追問。「我知道我條件唔好，成日比人笑肥婆。但係我唔會覺得自己係肥，只係覺得香港女仔太廋。可能好多人睇慣廋嘅人而會覺得我係肥婆，無人鐘意我。但我自己......都有鐘意人嘅權利。我知道我會比人笑，我預咗，但我唔會後悔。」sponsored 最後，肥婆仲講咗一句:「我好鐘意6B班，我好鐘意你地，我好希望可以為6B班嬴個獎牌返嚟。」說罷，肥婆就輕跑到跑道上準備比賽，我望住佢背影，喺陽光底下照耀住，我見到嘅係一個輕型嘅少女，一直以來我都人云亦云，人地笑佢肥我就跟住笑，其實我打從心底都知道，佢根本就一啲都唔肥，更何況呢一點已經唔重要，最重要嘅係，我欣賞佢份決心。「On your mark!!!!!」老師大叫，一聲號令之下展開一場我地人生最後一個班際接力賽。打氣聲此起彼落，我地成班人係跑道外好肉緊睇，而肥婆竟然被安排最後一棒，點解要咁做? 咁唔係仲出事咩? 跑得慢嘅人應該最先跑!等勁人之後慢慢追返架嘛!我地班嘅人一開波已經係落後，暫列第五，正當我地打定輸數時，我地班個運動男神即刻好似seed咁追返唔少距離，為呢場已死嘅比賽帶來希望。「加油呀!!!!!!!!!!!!!!!!!!!!6B班!!!!!!!!!!!!!!!!!!」我地班嘅人都叫破喉嚨咁打氣!我都肉緊地緊握拳頭，而肥婆就專心一意咁望住後面準備接最後一棒。當肥婆接到棒時，個陣運動男神已經幫大家追到第四名，而肥婆就起勢咁跑!佢個速度完全超於我地想像! 呢啲就係佢晚晚練跑嘅成果.......後來佢竟然愈跑愈近! 就快追到第三名! 「嘩!個肥婆咁快嘅?!」個賤咀同學突然講咗呢句令我無名火起。「收皮啦!咩肥婆呀!佢叫劉雪穎!佢為緊我地班而戰鬥緊架!」我大叫。接著我就叫破喉嚨咁大叫:「劉雪穎!!!!!加油呀!!!!!」劉雪穎係最後一百米博哂命咁跑!我地緊張得愈行愈出!係終點等佢返黎!而我都站係終點線等緊佢!「加油呀!!!!!!!!!」衝線一刻，感覺世界好似放慢鏡一樣，時間過得好慢，彷彿上天放慢呢刻係為左我地好好記住呢一刻。最後，劉雪穎跑第三，亦為我地班首次嬴到班際接力賽。各人都跑出跑道攬住佢，好多人都喊咗。當佢望住我時侯，我隨即做一個 "睇電影"嘅手勢，哄得佢非常開心。果日，為我地人生最後一個陸運會劃上完美句號.................................


[圖擷取自網路，如有疑問請私訊]