陪阿媽去西環搵問米婆,個問米婆D 演技真繫世界級

陪阿媽去西環搵問米婆,個問米婆D 演技真繫世界級話說好多年前老媽子因為一d 意外而無辦法生我呀哥,一直心中有愧,所以捉埋我去西環搵一個問米婆(下稱8姐),上到去…8姐:你系咪落過仔?有個bb跟住你sponsored 老媽子:系呀,我都唔想,果陣有病,搞到生唔到呀8姐:你個仔系下面比人打,無書讀,又娶唔到老婆,好慘呀。我心諗:你又話我阿哥跟住老媽子,又話佢系下面比人打?讀書,地府有學校?讀中英理數法?讀完有咩用?搵咩工?老媽子:下,咁點呀8姐:我幫你叫你個仔上黎啦sponsored 8姐上身version:阿媽,點解你唔搵我,我比人打,又無野食,好慘。老媽子:我應該點幫你?8姐上身version:你要信8姐,叫8姐幫我交留位費,我先有書讀,同埋結婚都要比禮金架。(呢個時候,8姐電話響)sponsored 8姐:喂,我做緊野,一陣打返比你,跟住8姐繼續上身同我老媽子講野。坐系隔離既我,諗起喜劇之王既金句 - 臨時演員都要比d專業........8姐無上身之後:呀仔(即系我), 你系呀哥定細佬黎?我:細佬(我屌你咩,你請完我阿哥上身,你問我系呀哥定細佬?)sponsored 8姐:你要叫你呀哥保佑你,你呀哥亦都叫我保佑你,你放心我會保佑你既,(跟住8姐望住我3秒)8姐:得啦 ,我已經保佑左你啦啦我:哦,多謝……(屌你,你用念力屌死我吧啦)8姐:想唔想聰明d?工作表現好?我:下,ok la , 夠架啦 ,我份工唔洗點用腦。8姐:拿 ,果度有我加持過既神水,日日飲,你會變得聰明架。老媽子:咁我要20枝我心諗:呀老媽子,你玩我咩,一陣佢比D廁所水我,你要我日日「隊」?最後果度d助手呀姐拎左20枝水出黎,我一望,屌你呀,20枝維他蒸餾水? 仲要系我面前扭開個蓋當加持過,你比20枝符水我都合理d呀,你就咁扭開個蓋?就算系,你都唔好比我睇到呀,專業d 啦屌。sponsored 後話,老媽子同我講依個8姐,20年前就好出名架啦 , d 水你要日日飲呀。我:難怪8姐要推出d 智慧神水比你地班信徙……你地真系好需要埋單留位費:300 ,結婚費用:500, 燒表加作法:1000左右 ,顧問費:200 神水:4x20 ,買單:約$2080同日比警察搜身,見到有20枝水,問我做咩有咁多枝水,果刻我覺得我有20包白粉 / 20粒手榴彈都無咁難解釋…sponsored 我同個警察講:拜完神…個警察望住我笑,果刻我覺得自己系零……最後佢放我走,背後傳來陣陣既笑聲,你老母,死黑警……


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁