教你3個對付女朋友既必殺絕技! 好洗又好用

:0:0

1）攻其不備「頭先點呀？」
「你好勁呀，我好enjoy呀頭先。」
如果個女仔讚你，但你又驚佢只係唔想傷你心先咁講，呢個時候你要攻其不備，同佢講：
「咁不如來多round？」
講完記得觀察佢表情，如果佢面有難色，甚至頭先好精神，突然畀藉口話攰又話乜，你就知其實佢唔係太鍾意啦。如果佢好爽快就話好，咁即係無昆你。如果佢係大話高手高高手，明明唔想又扮想，咁你冇贏，但係可以來多round，你都冇輸。（之但係你有冇貨賣先？）
2）避重就輕
女人問你關於前度，絕對係伏，話唔介意就係呃你：
「你同前度係點架？我唔介意你講前度，好過我乜都唔知。」

呢個時候，如果你話：「以前既野唔記得哂啦」，就實在太假，除非你有少年癡呆。你越唔講佢就越想知，仲會覺得你身有屎。所以，你一定要冷靜，當佢扮大方時，你就要更加大方，大返佢轉頭，大大方方同佢講前度。
不過，冇人叫你咁醒講哂全部，最緊要係避重就輕，千萬唔好激讚前度，可以講d 相處得唔好既野，但又唔好怪哂個前度，否則顯得你好小氣，你可以話以前自己做得唔好果d，依家會改，重點係highlight前度係錯的人，現任先係對的人，咁佢自然好滿意。
3）反守為攻
女人話唔介意你同朋友去玩，仲叫你玩得開心d，如果你信以為真，以為人地真係完全唔介意，玩到忘哂形而冇聽佢電話，咁你就中伏啦！
要對付嘅方法就係反守為攻，升佢上神檯。你可以回應話：

「好多謝你對我咁信任。」
你將佢放在更高嘅位置，咁佢就唔好意思發脾氣啦！
呢招用在你同兄弟去打波、去朋友屋企打機係好work，之但係，
如果你想同班兄弟去泰國，又應該點同女朋友交代呢？

[圖擷取自網路，如有疑問請私訊]