唉...星期六，激嬲左女朋友，佢叫我每分鐘都自拍比佢睇先唔嬲...真係比佢玩死

sponsored 星期六，激嬲左女朋友，佢叫我每分鐘都自拍比佢睇先唔嬲...真係比佢玩死有一日我女朋友喺Whatsapp同我講咗一句野，佢話:「我頭先見到個BB好鬼死得意丫」我對住手機呆咗一呆，我相信大家都知道『女朋友』講啲嘢不嬲都無咩營養同無討論嘅價值，個BB得意關我差事咩!你話見到有靚女就話姐!而且覆女朋友Whatsapp都係一種學問，唔可以太Hea，又唔可以太無聊，所以每次回覆都回應得比較風趣幽默啲，廢事比女朋友覺得同我傾計係一件好悶嘅事。於是我就高登仔上身，就回應:「純文字討論? 圖呢?」佢就話:「嚇? 我無影相呀!無理由拎部電話影人地架嘛!」「圖定老母呀?」「都話無影相!你咁惡做咩啫?」我開始Feel到女朋友嬲嬲地，為咗比佢知道我都係玩下講下笑，唯有加個Emoji樣緩和下氣氛。sponsored 「無圖無計傾 (Emoji樣)。」點知女朋友一句彈埋嚟:「唔傾就咪撚傾!」嘩!女朋友一講粗口我就知奶野，果然之後就無再回應我。無論我點樣叫佢、哄佢，打比佢都唔肯回我同聽我電話，唉......咁認真做嘜春姐!?我都係講下笑姐!過咗幾日，我地之前約好咗出席朋友婚禮，所以一定會見面，於是我就趁呢個機會哄返佢。sponsored 「比卡超比卡超~比卡比比~~(女朋友女朋友~原諒我喇!)」上網睇咗篇潮文話扮比卡超可以哄返女友，於是我就用呢招。佢望一望我，完全好似望緊一個弱智仔嘅目光望住我，佢忍唔住話:「做咩姐你?幾大呀你?仲咁幼稚?」屌! 好明顯佢同網上潮流完全脫咗節。但我見到佢肯理我，我就把握機會解釋，拎哂高登術語圖比佢睇，證明我係扮高登仔口吻而唔係真係串佢。女朋友語氣深長咁同我講，佢話:「我係個講道理嘅人，事實上真係無可能話有圖就比圖你，比你都唔會即刻拎部手機影人喇，係咪先!?」「係係係係......你岩。」我死哂狗咁應佢。sponsored 「不如咁丫!!每次我地問對方做緊咩時侯，我地都自拍比對方睇啦!!好無呀?」我流咗一滴冷汗，自拍?! 我呢世人最憎就係自拍，樣已經唔係話靚仔，仲要影低落嚟比佢睇做咩春? 但見女朋友肯開出條件同我和解，我唯有接受，自拍姐，有咩所謂，都係影相比佢睇姐。第二日，女朋友Whatsapp問我做緊咩，我話我岩岩起身刷緊牙，佢就問:「圖定老母呀?」之後我就醒水，自拍一張刷緊牙嘅相比佢睇。當我同朋友唱緊K嘅時侯，佢又會問:「圖定老母呀?」我吞一吞口水，然後行去較大個房燈，令到間房無咁暗方便自拍，但呢下舉動即時引起成班兄弟怒屌:「屌你開咩燈呀!」我無回應，強顏歡笑咁拎部手機出嚟自拍咗一下，成班兄弟呆撚咗，爆哂咪大叫:「屌你男人老狗自拍!!!」sponsored 當我屙緊屎嘅時侯，佢又會問:「圖定老母呀?」我話屙緊屎喎!?點自拍呀? 佢就話:「無圖無計傾。」見到佢咁講，我都死死氣自拍一張屙緊屎嘅相。當我同班同事食緊Lunch嘅時侯，佢又會問:「圖定老母呀?」於是我就尷尷尬尬咁喺同事面前拎部手機出嚟，同事見到就話:「碟頭飯都要影嚟上網呃Like?唔係化?」然後我慢慢將個手機鏡頭調轉，我再強顏歡笑咁自拍咗一下，成班同事同茶餐廳侍應都呆撚咗望住我。當我出席朋友喪禮嘅時侯，佢又會問:「圖定老母呀?」我話喪禮喎!點影呀!? 佢就話:「無圖無計傾。」sponsored 於是我就望下周圍，趁無咩人注意，偷偷地拎部手機出嚟強顏歡笑咁低炒自拍。坐我隔離個人見到我呢個舉動，都用一個不屑嘅目光望住我。離開嗰陣，我仲聽到佢同人講，話我喺喪禮自拍，擺明扮懷念爺爺上網呃like。如事者，無論咩場合，我做緊咩都好，女朋友一句:「圖定老母呀?」我都會一一滿足佢要求。但我發覺自己愈嚟愈無尊嚴，一路都比佢禁住砌，唔得!唔可以咁!我一定要反擊一下先! 但我對於佢嘅自拍真係無咩興趣，就算我唔問，佢都會自己Send啲無聊自拍相嚟。而我唯一有興趣就係佢沖涼時侯!!!!!只要佢沖緊涼時侯!!!我問佢一句「圖定老母呀」佢就會自拍沖涼嘅相比我睇!!!!嘩哈哈哈!!!!於是我趁佢放工開始，我就瘋狂同佢Whatsapp，一直緊貼佢嘅行蹤，務求準確地計算到佢返到屋企沖涼嘅時間。sponsored 當佢話:「我搭緊車返屋企喇!」，我就問:「圖定老母呀?」，於是佢就自拍一張搭緊車嘅相。當佢話:「去到屋企樓下喇!」，我就問:「圖定老母呀?」，於是佢就自拍一張喺屋企樓下嘅相。當佢話:「返到屋企喇」，我就問:「圖定老母呀?」，於是佢就自拍一張喺屋企嘅相。但佢話今日返工好累，唔想沖涼就去瞓。屌!平時班狗公當佢係女神咁拜，其實佢個人根本就好撚污糟!!!我即刻洗佢Whatsapp!!同佢講沖涼好緊要，出面咁多細菌惹咗返嚟病咗咁點算?於是佢就話:「好啦好啦!我去沖涼喇!」Oh!!!!你今次仆街喇!!!!!仲唔比我等到呢個機會!!!我即刻開始計時，由佢拎衫去廁所沖涼除衫開始計!應該大約2分鐘左右，2分鐘後我就問佢做緊咩!!sponsored 2分鐘後。「做緊咩?」「沖涼呀!係咁喇!」係咁喇?! 我頂你丫!你唔係想走數呀! 於是我就狂Send :「圖定老母呀?」「圖定老母呀?」「圖定老母呀?」「圖定老母呀?」突然見到螢幕顯示一張Load緊嘅圖!!!雖然Load緊睇唔到!!!!但從我專業電腦分析!!!!!!呢張絕對絕對係一張自拍相嚟!!!!!但幾秒後一睇張相，我呆呆咁望住部電話，然後含淚打咗幾隻字Send返過去。我將部電話擺埋一邊，再抱頭入睡，以後世事再無同我有任何關係喇。..............................而我Send咗出去嘅說話，就係...「伯母你好。」sponsored 屌!!係佢老母張自拍相嚟!


[圖擷取自網路，如有疑問請私訊]