東莞叫雞指南,零距離揀隻心水雞,你估依家做嫖客唔洗學呀~





—十萬小姐赴嶺南 ,百萬嫖客下東莞 。呢兩句說話 ,相信好多雞蟲都聽過 。
但中央自一三年大力掃黃開始 ,東莞各大小夜場裏面 ,小姐人數已大不如前 ,嫖客有時彈鐘彈足一晚 ,最尾都只係揀到件豬西 ,撲起上嚟 ,望住對方 ,只能夠嘆一句 :
這麼近 那麼軟。
大陸有個流傳o既故仔, 就係講 ,褔建有個中年男人 ,大便出現血塊 ,去咗間肛腸醫院 ,呢度檢查o個度檢查 ,結果被醫生檢定為患咗直腸癌 。
花咗幾萬蚊 ,身體無好轉過 ,再轉介到另一間民營醫院 ,先發現係胃酸倒流 ,影響排便引致出血 ,醫生換咗藥比佢食, 但一樣醫唔好 ,每日堆屎都又黑又實 。
呢個男人最後無錢醫病 ,暴斃家中 ,經過法醫檢驗 ,證實佢係破傷風而死 ,因為一直都無人醫佢粒痔瘡 。

事實證明 ,大陸o既真相 ,係唔死都發現唔到 ,無病可以當成有病 ,整容又可當成無整容 。
我同攝製隊 ,今晚決定冒死嚟到東莞o既厚街 ,一探史上最強掃黃風暴後o既災情真相。

—-
大家經常所講o既厚街其實並唔係一條街嚟 ,而係一個鎮 ,全名叫厚街鎮 。三十年前 ,廣東省人民政府批准厚街為珠江三角洲經濟開放區重點工業衛星鎮 ,但呢度最出名o既唔係工廠 ,而係酒店、 桑拿、 骨場、 足浴店等色情場所。

如果福克蘭群島上面 ,最多o既唔係企鵝,而係沙 ;咁全盛時期既厚街 ,最多o既都唔係雞,而係雞蟲 。
厚街鎮面績大約為125平方公里 ,其實一o的都唔細架 ,比o的概念大家 ,九龍同香港島加埋啱啱好都係120幾平方公里 ,大家可以幻想嚇 ,如果成個港島九龍 ,你見到o既人唔係雞就係雞蟲 ,場面係幾咁震撼。
—-
我地今次o向街上面 ,撞到一個「港嫖」 ,即係香港o既嫖客 ,佢叫阿恆 。
「叫雞都係想放鬆嚇姐… 你知啦,香港地,好多人都好似我咁住劏房 ,同老婆o向床尾撲野 ,佢擰轉個身就係爐頭 ,死婆一路比我推車 ,佢仲一路滾湯睇住個火 ,你話我邊度有mood先得架…所以先出嚟玩 ,但無諗到呢度變到咁靜… 」
的而且確 ,我同採訪隊幾年前經常嚟做資料搜集o既酒店 ,已家 ,門口只剩返幾條粗鐵鏈鎖住 ,其他相熟o既桑拿 ,唔少o既大門 ,都有白色封條交叉成一個大大o既X字 ,可以話係重門深鎖 ,水靜鵝飛 。

就似這一區 曾經稱得上 美滿甲天下, 「曾經」, 係最令人惋惜o既詞語 ,暴風過後 ,呢度只係剩返一遍寂寥 。
我地下一節繼續。

—–
蕭條o既背後 ,大家又有無諗過 ,究竟掃黃之前 ,東莞其實係有幾多雞架呢?
原來東莞同香港人口相約 ,都係有大約700萬人口 ,而全盛時期o既東莞 ,性工作者係有30萬人 ,而本港建造業註冊工人亦一樣係30萬 ,換句話講 ,如果全港地盤佬全部同一時間一次過北上叫雞 ,佢地係唔需要排隊o既。

東莞o既情 色行業 ,係一個連鎖產業 ,各行各業都同叫雞有關, 呢場暴風雨 ,連寵物店都受到牽連 。
好多小姐離開東莞前, 都會放低佢地o向呢度養o個隻狗畀寵物店 ,然後一去不返 ,寵物美容生意少咗好多 ,寵物店唯有做嚇其他外快幫補一嚇 。
店主話 ,我抱住o既呢隻史納莎 ,已經畀人遺棄咗幾個星期 ,店主準備會賣佢去廣西玉林 ,畀當地市民慶祝狗肉節架喇 。
嗱 ,你就畀人劏架喇 ,吠兩聲同香港觀眾講句遺言啦 。
唔出聲唔緊要 ,總之 ,呢度雞同狗都走曬 ,名副其實係雞飛狗走。

之前講到 ,呢度o既情 色事業 ,同各行各業都唇齒相依 ,的士司機更加唔例外 。
好似呢位叫陳九o既司機大佬 ,佢就一定比香港司機好客 ,因為佢除咗會載客外 ,仲會拉客 ,將客人介紹畀相熟o既酒店經理 ,每單佣金可以收到30元至到100元不等 。

但陳九佢已家 ,十點以後基本上搵唔到叫雞o既客人 ,而每晚收入亦由以前o既五百幾蚊下降到得返二百幾蚊 ,僅夠的士一日o既租金 。
「以前最多的是香港人, 現在香港人已很少了」 香港人最鐘意嚟呢度玩 ,陳九係無老屈架 。
2014年2月9號 ,東莞當局一晚裏面竟派出超過6,000名公安搜捕掃黃 ,而金鐘o既九二八催淚彈驅散行動, 香港亦只不過係出動7,000警力 。
當晚 ,大陸網際網路數據中心o既新浪官方微博o向九點半發布「東莞8小時遷徙圖」 ,顯示過去八小時東莞市用戶向外地流向情況 ,其中移向香港比例最高 ,高達30.2% 。
呢個統計原理 ,係根據開放用戶隱私o既大陸手機Apps o既登入位置變化 ,判定用戶移動情況而得嚟 。

我地電話訪問過美國生物學家威爾森 ,佢話 ,只涉及雄性動物o既極短時間大規模遷徙 ,係極度罕見o既自然現象 ,佢印象中 ,人類史上係未曾發生過
但係其實 ,要證明香港人鍾意上嚟玩 ,又未必要咁多數據o既 ,歌都一早有得唱 : 但我心裡知道 男孩像你 北上跟妹妹拍拖





 


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁