【星泰】食好西指南！曼谷新加坡兩大東南亞城市必食之選！限時兩星期！國泰來回兩個東南亞航點組合優惠！先預訂新加坡機票，可獲享更折扣價錢連稅HK$1,658起往返其他東南亞城市！即出發嘆美食！

新加坡曼谷兩個熱門旅行地點，除咗度假歎世界之外，「食」都係好重要嘅一環！小編今日就推介各五個必去餐廳俾大家～
曼谷
打卡之選－Bubble in the forest
距離曼谷市中心約一小時車程，為超熱門打卡餐廳！呢間餐廳設計到好似馬爾代夫水上屋咁，每張枱都可以享有泳池景色，仲有吊床、鞦韆等打卡位，食物質素而有唔少好評，難怪吸引到咁多人去啦！
䚍景之選－彩虹雲霄酒店
為泰國最高酒店，因可以享受到曼谷嘅壯麗市景，位於76至82樓嘅自助餐餐廳一直人氣爆棚！自助餐種類選擇豐富不在話下，食飽後仲可以進入77樓觀景台及84樓的旋轉觀景台飽覽景色，真係值回票價！
貼地之選－Somsak Pu Ob
被「米芝蓮美食推薦指南」選出的街頭平民美食，質素有保證！餐廳保留路邊攤風味，主打蟹肉粉絲煲及大蝦粉絲煲，肉質鮮嫩鮮甜，粉絲煮到好入味，難怪人氣咁高！
經濟之選－Inter Restaurants Since 1981
位於曼谷市中心，提供多個泰國菜選擇，包括冬蔭功、Pad Thai、炒飯等，全部都係100泰銖左右，十分經濟實惠！Budget有限又想瘋狂食地道泰國菜，就要記住佢啦！
第二個胃之選－Cho Sornkaew
食完正餐，當然要食埋甜品！呢間主打賣芒果糯米飯嘅舖頭，憑以天然色素製作出9色糯米飯而聞名，除咗常見嘅白色外，仲有粉紅、黃、綠、黑等顏色，十分特別，一定要相機食先！
新加坡
老巴剎熟食中心
有邊個諗到，可以喺一個大城市嘅中央商業區，夜晚封兩條街喺擺大排檔？ 呢個熟食中心選擇多，尤其係賣沙嗲串燒嘅檔口特別多！加上位置方便，長期人氣爆登！淨係被商業大樓圍住咁食，已經夠晒特別啦！
舊機場路美食中心
位於組屋區中的熟食中心，雖然唔太起眼，位置都唔係最方便，遊客都唔多，但就一直有「新加坡最好的熟食中心」的美譽。中心內有名的菜色包括沙嗲麵、炒粿條和囉喏等，價錢亦相對相宜，感受當地人嘅生活，都係旅遊嘅重要體驗！
麥士威熟食中心
位於牛車水，鼎鼎大名嘅天天海南雞就係呢度發跡！除咗佢之外，場內都有其他中式料理，例如蠔煎蛋及魚湯等可以揀，雖位處交通要點但價錢都十分實惠，食完正餐食甜品再加嘢飲都唔肉痛！
竹腳中心
想感受更多異國風情，去小印度嘅著名熟食中心就一定冇錯！竹腳中心內有諸多印度料理，包括咖哩、印度香飯、印度薄餅等選擇，就真係好似位處於印度一樣，異國風滿滿！同其他熟食中心一樣，價錢都好平，可以食得開心！
東海岸海鮮中心
香港有西貢，新加坡有東海岸！想食海鮮就要嚟呢度！望住海，吹住海風嘆海鮮，諗諗都覺得寫意～著名菜色有胡椒辣椒蟹、醉蝦、竹蛤、鹹蛋金沙炒蝦球等，齋睇都流口水！等到今個月尾地鐵通車至東海岸後，要去就更方便啦！
睇到流晒口水？一於飛過去食飯打卡啦！而家使用優惠碼「FLYSINSEA」預訂新加坡來回機票！你就會喺預訂確認電郵收到一個特定專屬優惠編號，24小時內再預訂另一程前往新加坡，或其他東南亞航點（可選曼谷、吉隆坡、檳城、河內、宿霧或馬尼拉），即可以極優惠票價預訂，來回連稅只係HK$1,658起*（勁減近一千！）！呢口價已經包晒行李、飛機餐、機上娛樂，加上航班時間選擇多，性價比高！立即預訂，出發去東南亞食餐飽啦！
【訂購日期】即日起 至 7月8日
【出發日期】6月28日 至 10月31日（部分日子除外）
【預訂網址】https://flights.cathaypacific.com/
小提示：下一個東南亞的旅程須要在收到專屬優惠編號後 24 小時內預訂。 兩程來回機票的預訂必須為同一位乘客；專屬優惠編號僅限使用一次。
（覺得抵可Whatsapp同LINE Share俾朋友）
【星泰】食好西指南！曼谷新加坡兩大東南亞城市必食之選！限時兩星期！國泰來回兩個東南亞航點組合優惠！先預訂新加坡機票，可獲享更折扣價錢連稅HK$1,658起往返其他東南亞城市！即出發嘆美食！
*只限指定航班經濟艙
#以上價錢只供參考，或有浮動。如有出入，則以預訂網址為準。以上圖片只供參考。優惠受條款及細則約束，建議預訂前先行細閱


[圖擷取自網路，如有疑問請私訊]