圓方睇戲有條女大大聲鬧條仔『叫L左你早D出門口架啦,屌咁L耐做乜L野』全場立即發出忍笑既聲音~

:0:1

尋日去圓方The Grand睇《思‧裂》, 諗住高檔商場去睇戲既人質素都好啲啦, 點知中曬伏, 我自己慣咗預早入場, 咁開場前都無乜大問題, 點知開場10分鐘惡夢就開始, 有一對MK情侶衝入黎, 條女仲大大聲鬧條仔＂叫L左你早D出門口架啦,屌咁L耐做乜L野＂, 全場立即發出忍笑既聲音, 無錯, 唔係笑係忍笑！

咁都算啦, 一坐低條女就問條仔：男主角係咪有易服癖？唔問由自可，一問就弊傢伙！條仔即刻大學教授上身, 解釋咩係人格分裂（真心唔明一個MK仔點解識咁多人格分裂既野, 講得仲深入過套戲...）頂你, 要學Psycho自己去報Open U啦, 我地係黎睇戲唔係黎上堂架！唉, 上完10分鐘Psycho, 我以為終於落堂啦, 可以安安靜靜睇埋套戲... 頂你個肺, 條仔變身劇情偵探, 同條女估劇情, 條女仲要每一場都問, 見到三條女逃走就話：on9, 邊走得甩（我夠知啦, 走得甩邊有戲做）, 到個醫生上男主角屋企又話：佢死梗啦！（你再出聲你就真係死梗！），連隻狗吠都要講：隻狗吠呀！（ok, 證明我無認知障礙, 果隻係狗, 而佢真係吠緊, 多謝曬）, 我忍最後都係忍唔到＂殊＂左佢地幾聲，最後10分鐘總算可以靜靜地睇埋個尾...
其實你俾錢買咗飛唔係大曬架囉, 在場每一個人都有俾錢囉唔該, 其實咁鍾意講野點解唔返屋企睇dvd慢慢傾, 鍾意pause左黎傾又得, 鍾意屌住黎傾都得(唔洗咁趕出門口), 得左！

[圖擷取自網路，如有疑問請私訊]