19歲女含苞待放林愷鈴有已婚導演接送

:0:1

自從14歲跟著媽媽在公開活動開始亮相，龔慈恩長女林愷鈴（Ashley）因為氣質過人而成為傳媒寵兒，兩年前正式被杜Sir杜琪峯睇中簽約入行，愈大愈省鏡、氣質又出眾，更是行內公認的最靚兼最有前途星二代。剛滿19歲的Ashley，在公有杜Sir團隊人釘人看管、在私有星媽龔慈恩嚴密監控、開學升讀港大建築系二年級，未拍過拖的 Ashley自己都話忙學業忙工作無暇識男仔，不過日前去完教會撇甩媽媽單拖登上異性座駕，對方更是已婚MV導演！

Cap嚟見我
撰文：WT 圖片：新傳媒圖片、IG
林愷鈴有已婚導演接送最靚星二代林愷鈴絕對唔止得個樣，名校聖保羅畢業去年入讀港大建築系、鋼琴小提琴長笛聲樂樣樣皆精更曉作曲填詞、聽話聽教勤力好學生活純過蒸餾水，除了返學、出席品牌活動狂拍廣告晉升成為廣告小天后外，Ashley日常總是秤不離砣黐實媽媽，周日例必連同龔慈恩、15歲弟弟林卓毅結伴返教會再一行三人齊齊返回將軍澳寓所。早前又到周日、又如常三個一齊過海返教會，崇拜結束，難得見到Ashley撇甩媽媽、弟弟，一個人離開。

林愷鈴是導演吳柏羲執導微電影的女主角，二人合作無間，關係甚好，不時在二人IG見到合照。

唔止係最靚星二代， 19 歲龔慈恩女林愷鈴更是圈中最純星二代，零拍拖經驗，生活亦文青有仙氣，日前難得被發現身邊出現型男異性。

難得撇甩龔慈恩家住將軍澳、每周風雨不改過海到鰂魚涌教會崇拜，日前林愷鈴完成約兩小時的午間崇拜後，告別媽媽一個人去到附近快餐店，邊玩手機邊等朋友。不到十五分鐘，一個短訊 Ashley即離開座位在餐廳門口會合朋友。19歲女未拍過拖、謙稱異性朋友不多亦乏人追求，女神呢日竟然單獨與型格白淨男性友人會面，不過保持距離、點到即止，舉止並不見太過親密。一個人坐在快餐店時，已經面青口唇白精神不佳、疑似抱病在身，Ashley本來交收完物品已經打算離開，男性友人則堅持邀請上車送一程，抵不過友人熱心相邀、疑似又身子欠佳無謂硬撐，Ashley最後還是登上友人座駕，二人從鰂魚涌經東區海底隧道長驅直入回到林家所住將軍澳寓所樓下。

每周日例牌與媽媽、弟弟一行三人齊齊過海返教會崇拜，呢日Ashley獨自留在鰂魚涌等人，原來約了 MV兼微電影導演吳柏羲。

純過蒸餾水、家教又極嚴，今次單獨會異性，實情Ashley亦一直含羞答答保持距離。

文青生活純過水工作以外，最多都係被拍到返教會、行書店，未試過戀愛滋味，但林愷鈴就話同一般少女無異自細愛看言情小說：「我細個睇好多愛情小說，心目中都有一個完美男仔要係點，但到我大個啲發現，唔會有一個人係達到嗰種完美嘅條件，如果真係要有條件，我鍾意有才華嘅人。」而當日和Ashley會面、堅持要送回家的型格男性，原來與Ashley多次合作，執導多個品牌宣傳短片，更是歌神陳奕迅天后容祖兒都搶住用的MV導演吳柏羲，有外形、有才氣、嶄露頭角又體貼入微，目測雖然合乎女神擇偶條件，不過其實洋名Heison名草有主、結婚就快兩年，與Ashley合作無間關係良好，Ashley果然吸引力非凡！

身體抱恙再加上抵不過導演吳柏羲堅持，Ashley最終都係登上男方座駕，由對方駕車過海送到寓所樓下。
怕嘥時間唔拍拖2017年，剛滿17歲的林愷鈴因為龔慈恩關係，被杜琪峯睇中，與媽媽一同簽約成為杜Sir銀河海潤旗下藝人，雖然正式出道，受各大品牌熱捧又做埋劉華監製大電影《熱血合唱團》女主角，不過Ashley始終堅持以學業為重，去年以IB41分優異成績考入第一志願港大建築系後，更是把學業放在第一位，演藝工作暫時都是以廣告和品牌活動為主，但求賺吓零用累積經驗。雖然媽媽龔慈恩曾經在訪問中表示放心女兒入行、亦不介意女兒拍拖，但知女莫若母，Ashley勤力用功看重學業、異性朋友亦不多，媽媽最清楚不過。暑假後即將升讀大學第二年，被問到是否港大校花、追求者眾等問題，家教嚴Ashley都話反應遲鈍唔多覺喎：「我要兼顧學業又要做嘢，真係冇時間顧多一樣。我唔覺有人追我喎，拍拖呢樣嘢唔急得嘅，慢慢嚟啦！」加上有個對自己事業、學業、感情相當緊張的星媽龔慈恩，Ashley想拍拖？要問咗阿媽先！