TBB《長命百二歲》節目回顧 金句王方東昇搞Gag合集

大家熟悉嘅金句王方東昇又返黎啦!睇開佢節目嘅觀眾朋友都知,佢以搞笑又有資訊性嘅風格嚟主持資訊性嘅節目。今次都唔例外,繼續秉成搞Gag嘅風格主持TBB最新節目《長命百二歲》,同大家以新思維探討人口老化,零距離接觸各路耆英。

Cap嚟見我
今次節目主持人有啲唔同,會由方東昇、李德成同黃曉瑩嚟主持,而身為老前輩李德成,唔知buy唔buy呢種主持方式呢?會唔會擦出新火花呢?

節目由三月開始播,一集只係得三分鐘左右,真係唔夠喉!唔好以為淨係得方東昇識講金句,就連八叔李德成都識搞Gag。
1.「按照世衞標準,45歲或以上先係中年,所以我仲係大好青年。」

2.「慢慢嚟唔好急,我哋唔會催人,歲月先有資格催人。」
3.「三千煩惱絲。」

4. 黃曉瑩對李德成講:「你人生經驗咁豐富,食鹽多過我哋食米。」

李德成就答:「食得鹽多就要食藥㗎喇!」
5.「未必人人可以做明星,但只要努力,就有機會做精英。」

6.「見到你(李德成)就好似以前馬王『步步友』咁,『步步有力』呀。」

7.「室雅何需大,不過如果室又雅又大,可能仲好。」

8.「香港人講求唔好急,最緊要快,而台灣人就係「慢慢來,比較快(國語)。」

9.「人生七十古來稀,八叔一百都OK。」

10.「想食乜可以自己揀,所以食嘅都係開心樂園餐。」

11.「有髮不能不「執」,有請執「髮」部門。」

12.「高人一出手,頭髮冇變有。」

作為主持人就咁搞下Gag都未夠,反應力都好重要,轉數快人都醒目啲,就好似方東昇咁,有一集佢去探訪老人院時,負責人表示要老人家唔駛再用約束帶,俾佢地培養自主權,所以過去已燒毀幾千條約束帶。

方東昇第一個反應就係:「好像林則徐燒鴉片一樣。」
如果想重溫《長命百二歲》之前12集嘅內容,可以去無線新聞專頁查睇返。



[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁