TVB八大新生代女星 　邊個最有機會發圍？【下集】

TVB近年被指出現「藝員荒」，大家每晚開電視睇劇，睇嚟睇去都係得嗰幾個藝人，似有青黃不接之勢。不過大家都唔駛擔心TVB冇晒演員，因為有唔少90後新生代女星陸續等住發圍！上次同大家睇咗頭四位TVB女星，今次就講埋另外四位準備好突圍而出嘅女星，睇佢地喺未來星途中發光發亮啦！
6. 劉穎鏇Cap嚟見我
現時只得20歲嘅劉穎鏇於1997年出生，喺2016年港姐競選奪取「亞軍」、「最上鏡小姐」同「現場最受歡迎佳麗獎」三個獎項，擁有甜美外貌加上模特兒身材，外在條件無得輸！劉穎鏇加入TVB後雖然暫時未有突出表現，不過加入咗《學是學非》吸收主持經驗，作為是非精應該會儲到一定人氣！

不得不提今年的嘅重頭劇《兄弟》，劉穎鏇會以女配角身份登場，相信如果劇集出街後反應唔太差，佢嘅知名度同人氣都會急升，有望獲TVB力捧。
6. 鄧佩儀現時25歲嘅鄧佩儀係2013年中華小姐冠軍，之後簽約俾TVB成為親生女，一直都有穩定嘅劇集數量，被力捧嘅新晉小花之一。

鄧佩儀喺《點金勝手》、《幕後玩家》同《不懂撒嬌的女人》都有唔錯嘅表現，可惜之後因拍劇扭傷，令佢失去參與台慶重頭劇《誇世代》嘅機會，同時令佢事業發展停滯。


7. 江嘉敏江嘉敏相信都唔需要多介紹啦！17歲起已瘋狂拍私影同接拍微電影，近年喺多套TVB劇擔當重要角色。舊年靠《親親我好媽》純情學生妹形象令佢成為新一代氣質女神，火速喺網絡走紅！


江嘉敏喺上年三套劇《親親我好媽》、《不懂撒嬌的女人》同《誇世代》令觀眾留下深刻印象，今年佢同樣有三套劇會出街，而且角色位置都相當接近女主角，未來絕對係TVB力捧嘅花旦。



8. 馮盈盈現時23歲嘅馮盈盈喺2016年奪得港姐冠軍後，其敢言貼地、甚至有人話係「MK」嘅形象深入民心，令曝光率相當高。之後盈盈同麥明詩、陸浩明一齊主持《後生仔傾吓偈》，佢出位嘅言論成為「金句王」！



馮盈盈今年開始參演劇集，喺《果欄中的江湖大嫂》同《白色強人》都有頗多戲份，《果》劇中觀眾大讚佢演「小狼女」演得入型入格，年紀輕輕演技咁快就受到肯定，相信好快成為炙手可熱嘅TVB新星之一。



[圖擷取自網路，如有疑問請私訊]