【中美貿易戰】中國反美公告瘋傳　禁食麥記KFC拒用蘋果

隨著美國總統特朗普上周簽署行政命令後，昨日Google表示遵從商務部的新例，終止與中國企業華為的合作關係，令中美貿易戰繼續升溫，中國就激發起一股愛國情緒，近日仲流傳一張公告，要求員工禁食麥記及KFC用蘋果手機等，否則炒魷！
撰文：GW｜來源：Facebook、微博
Cap嚟見我
中美貿易戰繼續升溫，中國內地更激發起一股「愛國情懷」，餐廳陸續掛起橫額，要對「美籍」顧客加收25%服務費（關稅），非常有針對性。

近日就流傳了一張國企公告，公告內容是要求員工不得使用或購買蘋果手機、不得購買美國合資汽車、不得進入KFC或麥當勞消費、不買P&G及Amway等美資日用保健品、不去美國旅遊。如有違反，一律開除！

餐廳掛起橫額，稱要對「美籍」顧客加收25%服務費（關稅），有不滿及不便仲叫美國顧客自己聯絡美國大使館。

網民就串爆表示「快啲收返中國高官仔女嘅綠卡先啦！」、「不如禁用埋Windows？」、「建議全部中國人掟壞手上嘅蘋果手機！」、「金拱門同KFC乜唔係變咗中資啦咩？」



[圖擷取自網路，如有疑問請私訊]