《深宮計》大陸禁播終極死因係佢　網民：原來唔係胡定欣問題

:0:1

大台嘅宮廷鬥爭劇雖然黎黎去去都係個幾味，但係因為《深宮計》演員陣容鼎盛，加上頭幾集其他角色演員都有亮晶之處。令到呢套大台老招牌嘅宮廷鬥爭劇仲有一大班C9支持。可惜係本來應該同大陸一齊同步播出，最後懷疑個別演員政治取向而遭腰斬。
故事大綱Cap嚟見我
唐隆年間，李隆基（馬浚偉飾）聯同姑姑太平公主（陳煒飾）發動政變，將蠶食法統的韋氏（米雪飾）就地正法，擁護相王李旦（李龍基飾）重回大統！看似重歸平靜的太極深宮，實則暗流湧動……朝堂之上，風雲色變，李隆基（馬浚偉飾）與太平公主陣營分化，勢成水火！深宮之中，以主理尚宮局的王蓁（胡定欣飾）為首與眾妃嬪角力，爾虞我詐！

《深宮計》係香港嘅表現暫時睇落係唔錯嘅，可惜嘅係本來應該係大陸同期播出，騰訊卻冇咗件事。最後遲咗3個鐘先係微博道歉：

「親愛的朋友們，原計劃於今晚上線的《宮心計2深宮計》因故暫時延期，具體播出時間敬請關注我們後續發布的官方消息。對於此次播出時間的調整，給觀眾造成的不便，我們深表歉意，也感謝大家一直以來的關注與支持，請大家多給我們一些時間，繼續期待。」

不過如果道歉就有用，要警察黎托咩。騰訊呢番解釋被網友拒絕接受，仲被鬧到pk，話佢地係騙子。

大台節目及製作副總經理杜之克出席宣傳個陣，佢一臉無奈咁回應：

「審批程序比預期用多咗少少時間，但實際情况要問騰訊。」

被問到《深宮計》延期原因同埋幾時可以播翻，佢咁答：

「暫時未清楚。」

傳聞《深宮計》其實一早批咗，為咗令套劇可以上，可能會再行刪剪，希望劇集能早日復播。

但點解套劇會死？有人就話有三大死因！
1.同史實不符？架空歷史架空歷史喺內地都算大忌，佢嗰啲皇帝同歷史真實嘅唔同，都算同史實不符！唐殤帝李重茂照計16歲即位，不到一個月就退位，20歲先死。但《深宮計》入面，李重茂小弟弟，你點睇都冇16喎！唔通佢食縮骨丸大嘅？

事關架空歷史、仙俠玄幻，宮廷鬥爭嘅劇類唔係習大大鼓勵嘅類型，仲聽講因為習大大老婆日日都處於鬥爭之中，所以習老婆好L憎宮廷鬥爭，反而正能量奮鬥正劇，先至係王道。如果因為國家政策問題，令套劇出唔到街，根據一向強國製作單位嘅作風，簽份合約一定係A字膊，大台係需要承擔全部責任。簡單黎講就係賠錢，回水。
所以好多類似嘅劇集例如：以霍建華同周迅主演嘅清朝宮鬥劇《如懿傳》，范冰冰有份嘅《巴清傳》同埋陳喬恩主演兼有份做出品方嘅《獨孤皇后》到依家都冇人知幾時出得街。