【100蚊時薪】「呃飯食肥西」幕後主謀大起底　唐三樓索女老闆操控少女詐騙集團 | 真心膠 | 膠Hub

「呃飯食肥西」事件爆煲後，網民發動起底，人肉搜尋「呃飯食肥西」Karen嘅身世同背景，連同朋友嘅合照、同阿媽阿妹嘅相都俾人括埋出嚟，戲肉終於嚟喇！
閱讀全文
據網上爆料，「唐三樓」Cafe索女老闆Ceci以時薪100元，招聘大批十七、八歲嘅少女做「約飯妹」、「飯腳妹」，負責呃男人上cafe開餐，「呃飯食肥西」Karen只係其「詐騙集團」嘅其中一個小薯仔，年約廿幾歲嘅Ceci先係背後嘅big boss！有曾任「約飯妹」嘅少女爆料，指「呃飯食集團」最初只由Ceci一腳踢，喺網上以唔同名字同相片，開設多個社交帳戶，兜搭男人去「食飯」，其後因為「生意」太好，先聘請大量少女做「約飯妹」幫手。
「唐三樓」Cafe老闆娘Ceci據知打扮新潮、滿手紋身嘅Ceci只得廿幾歲集團中嘅少女騙徒分為「約飯妹」同「飯腳妹」同，前者只須用App約男人食飯，唔洗陪食，後者就好似Karen咁要陪埋食飯，時薪亦較高，達100蚊一個鐘，再拆賬單嘅百分之四，一晚底薪連佣金分分鐘收入過千。
「呃飯食肥西」Karen屬時薪較高嘅「飯腳妹」爆料者又稱 「唐三樓」內除咗有老闆娘Ceci，仲有佢個TB女友，負責大廚工作，一班男苦主稱「好難食」嘅暗黑料理就係出自佢手，另外仲有一名叫做HT嘅經理，喺本地嘅同志圈甚為活躍，不時拉客到cafe搞聚會掠水！另外，佢喺cafe亦負責「睇水」工作，遇上顧客太醒目，就會設法「送客」，早前《蘋果日報》記者放蛇，同Karen上cafe開餐，由於記者主動要求睇餐牌，HT認為劏唔到客，就由Karen出面，指母親急call，取消約會。
Cafe經理HT、老闆娘Ceci老闆娘Ceci嘅TB女友炮製嘅「暗黑料理」「呃飯食肥西」事件爆鑊後鑊，「唐三樓」已暫停營業，爆料者指根據以往慣例，每次個場爆咗鑊之後，佢就會立即轉場，以短租形式開下一個場，無限loop。

「唐三樓」曾經透過勞工處網站招聘「資料輸入員」，實際工作係乜？你懂的！

亦有透過唔同嘅社交平台，例如Whatsapp、Instagram招請少女。

呢度話請「餐廳PR」喎！

更多網民爆料
班女一日最少食五餐！！

俾「二手食物」客人食！

老闆娘生活照。

咁你不如唔好返嚟呃人啦！

膠通消息來源：爆民爆料、網絡圖片
睇埋呢單嘢嘅來龍去脈【有新料．多圖】呃飯食豬西美女同黨大起底　佢老母：冤枉，將有法律行動 
 


[圖擷取自網路，如有疑問請私訊]