香港8對經典熒幕情侶！不過佢哋最後都無「撻著」～

香港8對經典熒幕情侶！不過佢哋最後都無「撻著」～



日前分手嘅方力申同鄧麗欣，拍過多部愛情電影如《獨家試愛》、《十分愛》，亦有《好心好報》、《紀念日》等K場必點合唱歌，系近年最為大眾熟悉嘅螢/銀幕情侶之一。其實除咗佢哋，香港娛圈多次合作而為人熟悉嘅熒幕/銀幕情侶仲有佢哋：

鄭少秋 + 汪明荃



（「書劍」陳家洛、霍青桐）

鄭老秋同汪阿姐因擔正《民間傳奇系列︰紫釵記》(1975)，順手唱埋插曲《紫釵記之長亭惜別》而成為螢幕情侶，及後亦推出多首合唱歌和演唱會上合唱。鄭少秋以演大俠角色膾炙人口，喺《書劍恩仇錄》(1976)、《倚天屠龍記》(1978)、《楚留香》(1979)與之合作嘅阿姐亦功不可沒。2人合作時裝劇亦有《唔使問亞貴》(1976)。所以2004年2人喺《血薦軒轅》再次情侶檔，亦勾起唔少資深劇迷嘅回憶。




周潤發 + 鄭裕玲



2003年民意令《棟篤神探》拍另一結局，但有傳早喺1979年TVB劇集《網中人》已有先例，本來劇中退出三角戀嘅DODO姐，最終因為觀眾要求令歐陽佩珊與發哥成眷屬。此劇亦確立了2人幕前情侶形象，之後喺劇集《親情》、《鱷魚潭》、《火鳳凰》，及電影《花城》(1981)、《八星報喜》(1988)、《我愛扭紋柴》(1992)等再度合演情侶，實為幕前情侶經典。雖然之後有《男親女愛》令DO姐同子華神嘅情侶檔熱爆，但大家喺熒幕前始終都keep唔住果種情侶檔嘅感覺。



劉德華 + 關之琳



劉德華同關之琳喺影圈合作多達11次，當中《群龍奪寶》、《至尊無上》、《整蠱專家》、《俠聖》、《1/2次同床》都系合演情侶。

劉德華 + 鄭秀文



靚仔就系唔同，仲有系天王級，所以熒幕情侶都可以孭多份。劉華同Sammi 2人皆為杜Sir愛將，合作作品有《孤男寡女》、《瘦身男女》、《龍鳳斗》、《盲探》；亦喺莊文強、麥兆輝嘅《無間道》、《無間道Ⅲ：終極無間》演情侶。


李逸朗 + 蔣雅文



英皇2005年疑因方力申、鄧麗欣嘅成功而推李逸朗、蔣雅文組情歌組合，出過合輯《雙對論》、《Rainy Lover》、《Winter Lover》。當中以《傷對論》、《風頭火勢》較為人熟悉：

2015年初李逸朗以哭腔翻唱陳慧嫻《傻女》而忽然人氣急升，已嫁往台灣嘅蔣雅文同年8月回港開店，李逸朗踩上門合照「七年之約」，加上同媒體合作再度翻炒當年緋聞。






結果惹來人妻蔣雅文劃清界線，指昔日合作處事方式經常不同，亦暗串李逸朗抽水博宣傳。

鄭嘉穎 + 周麗淇



《翡翠戀曲》(2004)、《天幕下的戀人》(2006)、《最美麗的第七天》(2008)；後2套更順手出埋合唱歌《請講》、《抱著空氣》。叫得情侶檔，自然成為婚宴公司目標：






陶大宇 + 郭可盈



90年代經典幕前情侶之一，最早於1994年《CATWALK俏佳人》合作，但最入屋一定系翌年《刑事偵緝檔案》。結果再度添食《刑事偵緝檔案II》(1995)、《刑事偵緝檔案III》(1997)。這組合一度於2004年《青出於藍》及2005年《心花放》重現。



洪永城 + 黃翠如



2人最早已因為有線電視嘅旅遊生活節目《活得很滋味》表現合拍已惹來緋聞。先後轉投NowTV後，雖然都有參與旅遊節目《一個地球》，但未曾同一單元一齊去旅行。因《活得很滋味》2人嘅互動親匿、輕鬆而得觀眾心，TVB喺2人轉投旗下後照辦煮碗，開拍《走過浮華大地》、《走過浮華大地 亞洲篇》、《走過足球聖地》，令緋聞真正入屋。劇集《愛我請留言》黃翠如和洪永城雖然起初為情侶，但結局黃翠如情定黃浩然。



《星和無線電視大獎2015》地氈照，引髮網絡潮文《每個男人心裏面都有一個黃翠如》，亦令事主之一黃翠如親撰另一潮文《其實，每個女仔心目中大概都會有個洪永城》回應，成為粵港澳網民一時嘅YY熱話。算系小方、Stephy之後最多人自行腦補嘅一對螢幕情侶。

金句王

微信號：jinjuking


来源：mp.weixin.qq.com


[圖擷取自網路，如有疑問請私訊]