90後港女　食住韓風賣化妝品 每月淨賺 6萬

sponsored 自《來自星星的你》播出後，不少港女也想找一個像金秀賢般的男朋友！今年 21歲的 Oyan（徐傲恩）便能願望成真，她結識韓籍男友趙俊相後，拍拖不忘創業，於 13年開設網店 Ohkoreabeauty售賣韓國化妝品，在俊相的幫助下，成為香港首間引入韓國化妝品牌 3CE（ 3 concept eyes）的店鋪，食到「頭啖湯」，打響頭炮，之後更開設門市。食韓風，事業愛情兩得意！專營韓國化妝品的 Ohkoreabeauty，位於旺角好景商業中心的 15樓。採訪當日，大廈正值裝修，但無損客人到訪的雅興， Oyan與俊相表示：「我哋啱啱去完韓國入貨，幫客人代購手袋，仲入咗新化妝品，所以通知佢哋今日上嚟攞貨！」Oyan與俊相拍了拖兩年多，於 12年 2月初相識，當時俊相和朋友來香港旅遊，有日到街上遊玩，剛巧向 Oyan問路，「於是我同朋友做咗佢哋嘅導遊，玩咗 3日，之後仲有保持聯絡。」沒有一般韓劇的激烈情節，但 Oyan和俊相一拍即合，成為情侶，「同年 4月，我仲儲夠錢去韓國探佢！」sponsored Oyan中學的成績不錯，經常考第一， 12年更獲得第八屆香港傑出少年獎，然而，她自言不喜歡讀書返學，希望可以做自己喜歡的事，「中五嘅暑假，我決定試嚇做網上生意。」男友入貨 因與韓籍男友相處多了，故 Oyan對韓國文化漸有了解，亦有感香港的韓流熱有增無減，於是聯同好友阿本（譚卓葉）嘗試創業，並於 13年 4月在 instagram成立 Ohkoreabeauty，以接韓國代購化妝品生意為主，「當時我哋仲係中學生，戶口一蚊都冇，所以做代購，收咗客人錢後，先去入貨。」阿本負責營運， Oyan負責宣傳及入貨，俊相則協助他們在韓國找貨源。sponsored 由於資金不多，所以韓國的商戶都不給予批發價，「第一批貨，俊相喺韓國親自去門市用正價買，然後寄返香港，每件貨賣番出去只係賺得$20至$30。」隨後 Oyan發現韓國大型網購網站 Stylenanda，有售 3CE的化妝用品，「當時香港仲未有，身邊好多朋友去到韓國都會買，但喺當地大量入貨就需要有韓國身份證。」她藉著有韓國男友的優勢，率先引入 3CE的產品，果然大賣！客人由 14歲至 40歲不等，當中以學生及 OL為主，「我哋主要喺 instagram宣傳，所有產品我都會親自試過，好用先會賣畀人。平日我除咗 post用後感外，亦會介紹韓國資訊，最近仲同俊相一齊教韓文，希望吸引多啲 followers！」贏得口碑，亦儲到資金， 13年 9月，他們於好景商業中心開設約 200呎的門市。sponsored 租鋪交收 「以前我哋會揀喺旺角同客交收，貪交通方便，試過一日內有 30至 40張單，星期六及日全日要 stay喺地鐵站；加上我同阿本各自嘅屋企已經冇位存貨，就決定開實體鋪。而家客人可以上嚟拎貨，我哋亦可以 sell嚇其他產品，好方便。」 Oyan坦言現時最受歡迎的產品，全部都跟韓劇有關，「喺《來自星星的你》、《想你》等劇入面出現過嘅產品，都會好好賣，好似 3CE 402號色唇膏成日賣到斷貨。」Oyan表示，一般旺季在聖誕節、情人節及暑假，每月約賺 6至 7萬；其餘為淡季，每月賺 3至 4萬。他們看似營運得很順利，然而，年輕人總是要撞多次板，才會領略到做生意的技巧，「我哋嘅最大困難係理財，當時公司一星期已經賺到 1萬，使錢自然會大咗，搞到公司冇儲備，有次仲差啲執笠！」sponsored 差點執笠 位於旺角好景商業中心的門市，約 200呎，用來交收之餘，亦可展示新產品。 13年 8月，他們賺到人生中第一個 10萬，同時也是一個很大的考驗！「我哋興奮到一次過拎曬啲錢去韓國入貨，但冇諗過淡旺季問題。到貨已經係 9月，進入淡季，啲貨去得好慢，啲錢又用曬嚟入貨，冇留 2、 3萬做應變儲備，真係好驚！最大打擊係，我哋收到消息話海港城開咗 3CE嘅專門店！阿本仲安慰我話，專門店一定賣得貴過我哋，點知仲平約 10%，最後我哋要用比來貨價平 20%嘅價錢，先清到貨。」sponsored 受到挫折，他們卻沒有放棄，正讀中六的 Oyan更決定退學，全力打理店鋪，希望能渡過難關。當時因沒錢入貨，他們只好向銀行借了 1萬元作周轉之用。「我帶住呢 1萬去韓國，喺明洞及東大門周圍行，見到有個香港未有嘅品牌 IOPE，就試下入佢哋新出嘅氣墊粉餅，你睇，全街都賣緊氣墊粉餅！」 Oyan坦言入貨很考眼光，「以前唔識入貨，見一款唇膏靚，有 10隻色我就入曬 10隻，點知得一兩款受歡迎。所以都試過砸貨， 1年先清得曬。聯絡批發 sponsored 俊相與 Oyan經常韓國香港兩邊走， 2人除了入貨看鋪外，還會帶對方遊歷當地，工作之餘亦不忘拍拖。 Oyan與阿本深感以前的經營手法不成熟，但幸得俊相支持， Oyan現時除了每月親自到韓國入貨及會男友外，更學懂在網上聯絡批發商，由俊相於韓國過數，然後寄貨來港。Oyan希望可以增值自己，了解更多韓國的化妝品資訊。「我會睇多啲韓妝節目，例如《 Get it Beauty》及 Kpop MV，好似會留意 2NE1及少女時代等，會化乜嘢妝，用咩化妝品。我仲打算正式學化妝， sell客更加有說服力。宣傳方面，除咗拍化妝、韓文教學同生活片放上 youtube外，我哋仲整緊一個購物網站，會參考韓國購物網站 Gmarket嘅做法，吸引多啲年輕人嚟買嘢！」客人曉雯 sponsored 我哋喺 instagram見到 Ohkoreabeauty，自己都有朋友買過佢哋嘅產品。今次見新返啲袋好靚，所以買咗一個，同睇埋其他化妝品。其他產品 除了化妝品外，亦會入韓國時裝， Oyan表示：「一開始以賣化妝品為主，最近為咗令產品更多元化，都會入韓國時裝、袋、帽同鞋。」Blue colour stripe pattern fishtail skirt，售$248。問及這季流行的款式， Oyan即推介這條裙，「今年會興呢種魚尾裙，同埋藍白兩色會係大熱。」 薄荷綠全皮兩用背包，售$408。 香蕉漁夫帽，售$138。 Oyan笑說：「呢季都幾多人帶漁夫帽，我去韓國都入咗大約 10款返嚟賣。」


[圖擷取自網路，如有疑問請私訊]