絲打發現男友銀包有另一個男人嘅……　巴打：轉下口味啫！帽事嘅！ | 真心膠 | 膠Hub

連登潮文一堆堆，肥仔黎自問就睇唔透呢個post嘅樓主絲打到底係真集思廣益定假膠，佢就講到自己男朋友銀包有張同男人嘅合照。
閱讀全文

樓主絲打咁樣開post講到：

我同男朋友喺兩年前學校ocamp識嘅，咁本身我都係嗰啲怕醜女仔嚟，開學前已經好驚會冇人肯理我，開學前仲擔心到幾晚都瞓唔到，所以我best friend就建議我參加ocamp識定啲朋友先。

去到ocamp嗰日，我哋係去長洲，咁坐緊船嗰陣我已經見到啲人好快就埋到堆，但就冇人理我，我又唔係好識點樣主動去同人打開話題先，所以我就好似傻仔咁自己坐埋一邊，我好想走，我嗰陣已經諗定埋理由，想一落船就講話自己突然肚痛想走，咁當我已經決定咁做嘅時候，突然有個男仔坐咗埋嚟，同我say hi，嗰下我都呆咗一呆，佢就同我講佢個名，跟住話佢係組爸，跟住又叫我過去佢地嗰班人度一齊傾下偈，雖然有小小突然，但嗰下我都幾開心，因為終於唔駛一個人冇人理，我亦都打消咗走嘅念頭。

全程組爸都好照顧我，無論有咩活動都會叫埋我，而組爸份人又好charm，不知不覺我就對組爸產生咗依賴，ocamp完咗之後，我就成日都諗住佢，但又唔敢同佢講，咁我同我best friend講完之後，佢叫我試下去同組爸講，我又唔敢，咁我best friend 就搶咗我電話同組爸講，咁一開始我都好嬲，但諗諗下我都覺得應該要試一次，我唔想成個大學時期都係咁樣。咁我best friend用我電話同組爸打開咗話題，之後就俾返我自己同組爸傾。

之後就每日都會同佢傾下whatsapp，講下每日做乜，有乜好笑嘢，有時仲會約出嚟食下飯咁，咁久而久之，我都發覺自己真係鍾意咗佢，但又唔敢表白，驚佢淨係當我係朋友。但突然有一日約出嚟食飯嘅時候，佢問我做佢女朋友好唔好，我好驚訝，組爸會對我表白，而我都答應咗佢。
到宜家一齊咗兩年，我地都好愛對方，雙方亦都已經見過家長，我真係好愛佢，而佢都應承過我會等我地結咗婚先做，兩年嚟佢都真係冇試過對我做啲過界嘅行為，我覺得好開心，已經認定咗係佢。

前兩日我就約咗男朋友睇戲，咁去到買飛嘅時候，男朋友就突然間肚痛，咁我又帶唔夠錢，男朋友就成個銀包俾咗我叫我買咗先，然後就快快步去咗廁所。我就打開佢銀包嗰陣，唔覺意睇到我同佢張合照後面仲有張相，咁我就掹出嚟睇，張相係男朋友搭住一個男仔嘅膊頭嘅自拍，個男仔我好似有啲印象見過，但又唔係好記得，咁我就買完飛之後擺返張相入去算，到男朋友出嚟我就問男朋友點解有張咁嘅相，男朋友就顯得有小小唔自然，話係中學個best friend嚟，件事就不了了之。
呢兩晚我都諗住嗰張相，我越諗越覺得唔對路，但又唔敢當面問男朋友，我應該點做

肥仔黎睇到呢到真係睇唔透呢位唔知係唔係真絲嘅樓主，到底係寫緊潮文定派緊假膠。好驚跟車太貼呀！

有巴打就質疑呢個係潮文黎，係樓主係撚大家。

有巴打就係係樓主男朋友出去做0。

朋友姐，你講咩都得喇巴打。
有巴打就話係想轉下口味，不過會唔會重口味咗小小。

樓主絲打上翻水話佢男朋友唔想理佢，令人不禁懷疑到底係唔係假膠。

仲一路被巴打推上熱門。
有巴打就質疑點解溝到女要出去做0。

膠通消息來源：連登
相關文章：
絲打自爆自己男朋友偷食　懷疑肚中骨肉係其他人嘅　網友：我諗你驗下腦好啲肥仔黎自認都叫正正常常學咗十幾年中文，覺得自己理解能力同埋IQ都係正常水平嘅，但係就理解唔到呢為絲打到底講緊乜？

是咁的，就有位絲打係facebook group到講自己男朋友偷食，佢就上網同大家share喇，咁佢個樣同埋佢講嘅嘢就成為網友嘅話題，短時間內就成4千幾like3千留言同埋成千分享。

佢咁講：

我有左三個月，但懷疑我肚裡面個BB唔係我既。。因為最近先知我男友原来三個月之前有懷疑偷食
我好擔心我個肚會唔會係我男友同果條女架。。。

網友們就紛紛討論，第一佢個樣好鬼似男人，到底佢係男定女。第二就係佢講緊乜，完全1999.肥仔黎我完全理解唔到點解學咗十幾年嘅中文，佢講嘅每隻字我都識，但係合埋一齊就唔識。

呢位男朋友都不禁另人懷疑佢係咪gay。

網友們都幫手拆解到底呢位絲打講緊乜。


好希望快啲有網友可以拆解到到底絲打同佢男朋友嘅真身係男係女。
膠通消息來源：Facebook
 


[圖擷取自網路，如有疑問請私訊]