ifc天橋色狼3分鐘摸10女　目擊者：你哋出聲叫非禮啦！ | 真心膠 | 膠Hub

狼出沒注意！狼出沒注意！各位姊妹小心！有市民昨日行經中環ifc往天星碼頭嘅行人天橋，近郵政總局位置時，發現一名行為奇怪嘅疑似東男亞男子，更驚見佢向多名女途人嘅臀部偷襲，於是暗中拍下影片，三分鐘內受害者多達十人！

影片中穿著橫間衫、戴墨鏡、孭背囊嘅疑似「鹹豬手」，一路行一路「兩手揈揈」，一下「唔覺意」隻手就「揈」中一名女途人嘅臀部，摸完一個又一個！未知是否色狼嘅「閃電式」施襲來得太快，片中嘅受害者都未有即時反應，片主就話由於施襲動作唔太大，事主可能唔肯定自己係咪被非禮，搞到佢都唔知報唔報警好，眨下眼隻狼就逃之夭夭喇！佢話希望公開呢條影片，可以提醒女士們小心提防色狼，仲要識得揚聲求助呀！
閱讀全文
「鹹豬手」連橫施襲







片主話希望女士們遇到非禮時要出聲向途人求助


會唔會係咁呀？

膠通消息來源：蘋果日報


[圖擷取自網路，如有疑問請私訊]