偕李若彤出席《天龍八部》22周年見面會 陳浩民突然膠化驚變Mario 

現年45歲嘅藝人李若彤同49歲嘅陳浩民,曾經喺TVB劇集《天龍八部》中分別飾演王語嫣同段譽,二人日前喺浙江橫店影視城為此劇播出22周年舉行見面會。李若彤Keep得好就係人都知,不過久未喺香港露臉嘅陳浩民皮膚突然變膠,加埋「二撇雞」就被指似足卡通人物Mario!
撰文:Evita |圖片:橫店影視城微博、陳浩民微博
Cap嚟見我
陳浩民出席見面會 驚變Mario?日前陳浩民同李若彤出席喺橫店舉辦嘅《天龍八部》22周年粉絲見面會,李若彤一身黑色短袖上衣,配以藍白色碎花半身長裙示人,仙氣十足,可謂係凍齡女神。
紮高馬尾嘅李若彤顯得非常年輕同場嘅陳浩民著上一身灰色西裝,身型就無咩點變喇,不過臉部蘋果肌寧捨飽滿突出,濃眉加上「二撇雞」造型令人不禁聯想起卡通人物Mario……

陳浩民開心到跪低答謝粉絲呢張睇落又真係有啲似Mario「二撇雞」都係Mario嘅特徵對比1997年《天龍八部》嘅劇照,陳浩民而家肌膚更緊緻同透亮,唔通真係逆齡生長?

對於畀人話佢整容,今早陳浩民就喺自己微博發布一張同老婆蔣麗莎嘅合照,寫道:「不是靠顏值吃飯的我居然靠臉上了熱搜榜第一位!下次大家見到我,努力、使勁地用美顏效果吧!」暗示粉絲見面會當晚被拍嘅相片只係使用咗美顏功能,而非整容。

睇返佢上載過嘅自拍照,又真係無粉絲會嗰啲咁有膠味,不過塊臉就真係比以前瘦晒喇!

Cap by 新假期


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁