[劇透慎入]《復仇者聯盟4》結局曝光　導演親證唔係時空旅行

:0:0

《復仇者聯盟3：無限之戰》啱啱先上映，相信好多朋友都未睇，以下含劇透內容，如果你未睇套戲，即刻出返去！睇完套戲或者唔介意劇透嘅朋友，我哋繼續！話說《復仇者聯盟3》同《復仇者聯盟4》係同時拍攝嘅，早排就有一批疑似《復4》嘅劇照流出，唔少粉絲都估下集劇情會出現時空旅行情節！不過導演已經否認咗，下集劇情早已經喺《復3》埋下伏筆喇！
Cap嚟見我

早喺今年一月《復4》片場照片流出嘅時候，美國隊長無啦啦著返舊制服，又冇留鬚，同《復3》預告中換咗新制服、留埋鬚嘅造型唔同，網友都認為就算佢喺今集唔死得，剃埋鬚，都冇理由去到下集會著返舊衫，所以就估佢喺第4集可能會死喇！亦有網友認為著舊衫純粹係「Flashback」嚟嘅啫，又或者係「穿越」，因為件衫似第一集嗰時喎！

另外兩張流出嘅照片，可以清楚見到工作人員拎著一個橙色箱，上面寫住「Binarily Augment Retro-Framing」，其實就係《美國隊長3》入面所用嘅科技嚟嘅。
《復3》《復4》導演羅素兄弟喺《MTV》節目中證實，以上情節都同《美國隊長3》有關係，並且只觀眾睇返套戲，就會搵到線索㗎喇！各位粉絲識做啦！

講緊嘅應該就係呢段片啦！

欣賞埋鷹眼最佳剪接MV：
Hawkeye Tribute
Hawkeye tribute video with "Battlecry" by Jordan Mackampa!
Posted by Marvel Multiverse on Tuesday, 10 April 2018
「死咗嘅角色不會翻生？」《復3》及《復4》嘅編劇Christopher Markus同埋Stephen McFeely早前接受訪問，明言死咗嘅角色唔會生㗎喇！勸大家都係接受現實罷啦真係心都碎埋，成地玻璃碎喇喂！兩位編劇大人仲話，嚟近《復4》會出現更多令你哋難忘嘅場面，仲要唔係你哋想像得到嘅！粉絲們！係時候收拾心情喇！