俾老母捉打機充滿恐懼感　網民：依家啲細路係唔會明 | 真心膠 | 膠Hub

:0:0

連登最近又有年經post，今次係關於以前俾呀爸呀媽發現偷打機嘅攻防戰。唉！睇到呢到真係唔認老唔得。
閱讀全文

是咁的，就有巴打突然喺連登開post，討論依家嘅細路根本冇以前我地驚俾老母捉打機既恐懼感。

個post一出，大家都開心share以前嘅各種招式，肥仔黎見到好多以前自己嘅招數，真係好鬼有共鳴。

呢招check閉路電視，真係好鬼好駛，不過自從屋企人識摸電腦熱唔熱之後，就破招。

呢位同學仲誇張，去買cam，睇嚟佢係人民幣玩家XD！

不過講到尾，大家都係感嘆以前乜都唔駛諗，唔駛煩，可以打機呢啲好簡單嘅小事就可以好開心。

出到嚟返工，有錢買晒以前夢寐以求嘅裝備，遊戲機，但係已經冇精力玩。

就好似網絡作家-張晨(“鳥”不起)所講嘅咁，終有一日我地會成為裝備狗。

《終有一天，我們都會成為一個裝備L》
裝備L，係形容一啲人，針對某樣活動/興趣，不斷購入裝備，愈買愈Pro。
但買完，就算。並唔一定放好多時間畀呢樣活動。

即係好似我咁。
幾年前開始夜晚跑下步，但就咁一件Tee一對鞋，當然唔得！
於是去運動店買齊成身裝備，由頭到腳，睇落你話我出國比賽都有人信！
然後呢幾年埋單計數…都有跑嘅，但有時一個月先3、4次。
均速保持6分鐘1k，毫無長進。
模型呢幾年買咗十盒左右，得一盒開咗，砌咗半身，其他全部封塵。
但我今日已經同朋友討論緊買咩模型工具好，一隻鉗都3舊水。
電子產品都係，明明自己每日打機時間可能得一粒鐘，但呢排密密睇人砌機，秒秒諗住張畀人炒到飛起嘅GTX 1080顯示卡。幻想自己都可以開大個Mon，享受最高畫質。
未開始學畫畫，就買晒一set素描筆；
未踢波，先睇最新波Boot…
真係「屎波裝備多」。
其實我自己都知，模型我根本砌唔到太多、瘋狂打機係諗得太多、畫畫我已經冇咁嘅耐性、對波BOOT有冇機會掂到草地都成問題。
去到一個時候，你就發現，自己似乎已經冇得「多元發展」。
但開始賺到啲錢，又諗起好多兒時願望。
於是乎「準備咗」就當「做咗」。
買模型鉗時，我已經幻想咗一堆模型擺好POSE；買素描筆時，我已經幻想自己畫好一大批人像畫；買波BOOT時，我已經幻想到入波嘅剎那。
一切都唔會發生，但你依然會識得開心。
懂得沉醉咗虛構劇情之中，是社會人士的技能。
我諗每個人都一樣。
多咗錢，少咗時間；
多咗裝備，少咗實行；
最後你好講究事前功夫，卻失去了賽後報告。
原來，大家都一樣，
終有一天，我們都會成為一個裝備L。

依個時代愈來愈多手遊嘅出現，好多大人同小朋友都會下載唔同嘅Game打返兩舖。有時有啲人，仲會喺遊戲入面識到唔少朋友，甚至遇到另一半。但今次，就有媽媽上爆料公社度投訴，話個小六嘅女識到怪叔叔，仲有好多情慾對話！事情是咁的，有位媽媽發現讀緊小學嘅女有啲唔對路，一問之下先知佢喺遊戲入面識咗個朋友。

內文：
我是一位媽媽，事情是這樣的..我女兒目前小六，最近下載了一款手機遊戲 #交友軟體 *舞，進而認識了這個意圖不軌的人，他開口閉口就離不開色，一直半哄半騙的要對方露胸給他看給他打手槍，
還想引誘對方背著家長跟他出去做不該的事，我女兒一直沒照做，那個意圖不軌的人就把女兒直接封鎖掉了。
還好是我發現的早，把我女兒的手機沒收，並刪除遊戲，否則後果不堪設想，那個意圖不軌的人，太邪惡了。
小學這似懂非懂的年紀，很容易被煽動被牽著走，太過純真，很容易出事，所以請大家提高警覺。