謝安琪可愛囡囡同媽咪爭咪唱歌 網民：睇到個心都融哂！

藝人張繼聰同太太謝安琪（Kay）一直被網民公認為恩愛夫妻，佢哋嘅仔女張瞻（James）同張靖（Karina）同樣受網民喜愛。近日張繼聰同對仔女就去咗探太太謝安琪班，相中見到囡囡張靖眼定定咁望住Kay，仲同Kay爭咪唱歌！
原文：Sundaykiss-Kammy | 圖片來源：Instagram｜編輯：東方新地
閱讀全文
囡囡同謝安琪爭咪唱歌呢日Kay要出席活動，張繼聰就帶埋對仔女去探老婆班，仲化身為攝影師不停咁影囡囡張靖同Kay，相中見到囡囡露中一個崇拜眼神望住媽咪，十分可愛！張繼聰仲為女兒配上設計對白：「Mommy真係好靚……Daddy真係好本事，Daddy 叻叻，I love u Daddy！」文字間唔只讚老婆靚，仲兜個圈讚自己叻，真係好搞笑！
囡囡張靖露中一個崇拜眼神望住媽咪，十分可愛！
另外，囡囡張靖仲同Kay爭咪唱歌，張繼聰又再次發揮創意，幫囡囡設計對白：「Mommy , 我ready啦，我想出去唱….」仲話囡囡要唱好多小朋友都好鐘意嘅兒歌《Baby Shark 》。另一邊廂，哥哥張瞻雖然冇同Kay爭咪唱歌，但就一直企喺鏡面前擺出型格甫士，真係遺傳咗父母嘅表演慾！
張繼聰同對仔女就去咗探太太謝安琪班囡囡係咁望住媽咪哥哥張瞻一直企喺鏡面前擺出型格甫士，真係遺傳咗父母嘅表演慾！囡囡張靖仲同Kay爭咪唱歌！張繼聰同仔女齊變偷窺Fans之後Kay去咗表演嘅時候，張繼聰同對仔女都冇走到，仲變身做偷窺Fans，喺門罅偷窺Kay演出，仲笑言佢哋係「三個瘋狂到帶點可憐嘅fans」。
張繼聰同對仔女變身做偷窺Fans一家四口
延伸閱讀：張繼聰送超浪漫金句俾謝安琪 慶結婚12周年早前係張繼聰同謝安琪結婚12周年，二人選擇食餐飯，簡簡單單地慶祝。張繼聰上載一張由美國作家及新聞工作者Mignon McLaughlin 寫嘅金句「A successful marriage requires falling in love many times ,always with the same person.（一段成功嘅婚姻要不斷與同一個人墮入愛河」送俾老婆，真係超級浪漫！


除咗金句，張繼聰亦送上2隻刻有名嘅杯俾老婆，，物輕情意重，簡簡單單嘅禮物卻有意義！


睇番當年張繼聰、謝安琪12年前嘅結婚相，阿Kay個樣都冇乜點變，保養得好好，阿聰明顯變得又man又成熟！



張繼聰一家Chok住影相 仔女搶晒鏡！
喺相入面到見，兩個小朋友唔經唔覺已經大個咗好多，11歲嘅張瞻已經學識打扮，仲高到去媽媽嘅膊頭！兩兄妹仲學識擺甫士，哥哥識Chok樣，而妹妹張靖兩隻手篤住臉仔扮可愛，張繼聰同謝安琪都冇佢哋咁搶鏡！阿聰仲留言話「#哥哥曉擺甫#妹妹識插袋」。
張全家幅畀兩位小朋友搶晒鏡！不少網民都大讚「妹妹真係好得意」、「哥哥賣型！妹妹賣萌」、「全家型到一個點！依家連妹妹都識擺post」

妹妹張靖兩隻手篤住臉仔扮可愛已經11歲嘅哥哥真係長大咗好多！

2016年嘅張瞻

資料來源：東方新地
 
 
 
 


[圖擷取自網路，如有疑問請私訊]