ViuTV「十年辣約」綁住《全民造星》囝囝　網民：學埋大台啲衰嘢！

成世人流流長，十年時間，話長唔長，話短唔短，但係如果要簽一份「十年賣身契」俾電視台，又真係唔係個個肯。大台經常用長合約綁住藝人，估唔到ViuTV都學到足，將呢啲辣招用喺《全民造星》班囝囝身上！
Cap嚟見我
《全民造星》已經播映咗一段時間，由100強foul到30強，最近仲舉行完《全民造星粉絲見面會》。

好快就會篩選至10強到美國集訓，得到呢個機會嘅囝囝，據說已經同Viu TV簽咗長命約，包括風頭躉「姜B」姜濤。

據知呢份「長命約」包括5年死約、5年生約，不過5年生約並唔係指藝人可選擇解約，而係ViuTV可單方面中止合約，藝人冇權自主。如此「辣招」嚇走唔少囝囝，傳聞包括屬大熱門嘅Anson Lo，結果去到20強就出局了！

傳聞唔肯簽長約，20強止步嘅仲有「小評」。比賽一直都被網民指黑幕重重，佢地出局，網民已鬧爆ViuTV！

有傳即將進入10強嘅囝囝除咗姜濤，仲包括龍志權、「肥仔」梁業、Anson Kong、Lokman。

「肥仔」近期表現突出，如果肯簽賣身契，入圍10強都好正常嘅。

Anson Lo 出局，Anson Kong則殺入10強。

 
28歲嘅Lokman都簽咗10年，為咗入行做藝人，都賭得幾大。

19歲嘅姜B大把青春，簽10年？So what？傳聞已經有3間唱片公司爭住簽佢，ViuTV仲打算力捧一隊以姜B為首嘅男團添！

早被淘汰嘅「193」郭嘉駿都有份簽約，日後主力做主持。

Cap by：Viu TV、壹週刊、Facebook


[圖擷取自網路，如有疑問請私訊]