【有片】鍾嘉欣被揭坐月期間偷走？　網民：點解面尖尖嘅？

天生麗質嘅嘢，真係唔妒忌得咁多！生完細囝Jared冇幾耐嘅鍾嘉欣，仲喺加拿大溫哥華老家坐緊月，日前佢就「偷走」出嚟替大台新劇《再創世紀》拍宣傳片，片中嘅佢精神飽滿，同以前一樣面仔尖尖，身形睇落都冇脹到，完全唔似啱啱生完B，零走樣，犀利！
Cap嚟見我
嘉欣話佢而家仲坐緊月，偷偷哋竄出嚟幫大台拍《再創世紀》嘅宣傳片。

佢話喺《再創世紀》入面所飾演嘅Janice，會喺黑暗嘅世界帶一點陽光、善良、正義俾大家。

身穿牛仔褸、白Tee嘅嘉欣，仍然一臉少女咁樣樣，不過手中就多咗隻幸福嘅婚戒。

佢生完細仔冇幾耐咋喎！不過睇落都冇乜走樣，仍然係靚媽一名。

佢話自從大女Kelly出世之後，已經有一段時間冇拍劇，所以好多謝大台揀溫哥華為《再》劇拍外境，等佢可以有機會再拍返戲，好開心咁話！

嘉欣拍片期間，有把好開心嘅BB女嘅聲喺隔離，相信就係囡囡Kelly啦！

喺宣傳片中，嘉欣以「龍爺」稱呼劇中拍檔林文龍，佢憶述返對上一次合作已經係12年前嘅《法證先鋒》，咁多年後，大家都做咗父母喇！

佢亦都多謝「龍爺」喺佢緊張嘅時候鼓勵佢，俾到佢信心去做到最好！

當年嘉欣BB，到「Kelly Mommy」，再到而家「Jared媽咪」，多年來外表睇落都仲係好pure好true。

相信香港觀眾都好掛住嘉欣。

細仔Jared，仲未滿月㗎！

Jared冧豬樣！勁得意！

嘉欣現時同老公、囡囡Kelly、囝囝Jared定居溫哥華。

不過Jared出世之前，佢都經常帶Kelly返香港拍廣告、出席活動搵真銀，話唔定大家好快又可以見到佢。

嘉欣懷有Jared時嘅照片，除咗身型有變，其他都冇乜走樣喎！

睇片
鍾嘉欣宣傳再創世紀
新劇再創世紀聽晚就播喇，演員們呢排馬不停蹄四出宣傳，有份主演的鍾嘉欣因為剛在加拿大生完仔未能參與宣傳活動，但她很有心拍下短片，睇下佢講乜….鍾嘉欣 Linda Chung
Posted by TVB 娛樂新聞台 TVB Entertainment News on Sunday, 9 September 2018
Cap by：鍾嘉欣IG、TVB 娛樂新聞台


[圖擷取自網路，如有疑問請私訊]