黃翠如被爆已有三個孩子　暪住蕭正楠做未婚媽媽

黃翠如最近拍劇又拍旅遊節目，真係受盡大台力捧，唔怪之得呢排佢發展得風生水起。雖然翠如bb家底唔錯，但佢入行以嚟堅持不靠父蔭，靠自己努力賺錢，唔知係咪為咗養小朋友呢？最近爆出翠如bb原來已經有3個孩子，唔知蕭正楠聽到會唔會嚇親？
翠如bb同蕭正楠因為拍攝劇集《師奶Madam》而擦出愛火花，至今佢地已經一齊咗四年，感情好穩定，仲成日傳出婚訊，不過最近爆出翠如bb原來已經有3個孩子，唔知蕭正楠聽到有冇嚇親？翠如bb日前出席「助養．童享快樂旅程」記者會，喺記者會首次公開原來依家助養緊兩個女同一個仔，真係想嚇死人咩？
Cap嚟見我

翠如bb助養嘅小朋友分別係6歲女芭依，同11歲仔拜諾。佢話自己曾親身赴孟加拉當地探望助養嘅女兒，仲同囡囡講「我叫她不淮拍拖和這麼早結婚，因為當地比較窮，而且好多童婚問題，女孩子13歲就要嫁人，就叫她努力讀好書。」。

雖然翠如bb好有愛心，不過佢從未見過班助養嘅小朋友：「一直都有書信來往，未見面時幻想他們是高大點的，去到見到女兒似三歲，兒子亦都好矮，那邊經濟不好一日只吃一餐飯。」翠如bb話自己幫到幾多得幾多，「這次的體驗很特別，確實有做媽媽的感覺，我很享受。」


翠如bb仲幫蕭正楠填表申請成為助養者，依家只差佢簽名：「他其實也知道當地的情況的，我希望有天可以和他一起去，但首先他要成為助養者先，這次是一個很好的生命體驗。」


講起蕭正楠，又諗起之前佢美國簽證單嘢！依度有冇巴打耳仔係緊貼後腦？如果有嘅話，蕭正楠幫到你！因為如果你要申請美國簽證，耳仔係緊貼後腦係會成為阻礙㗎！等肥仔黎都向奇怪先生蕭正楠學嘢，一招KO美國簽證先！
喺面相嚟講，耳仔貼後腦係一件好事，因為雙耳在生長時貼近耳後的皮肉，從正面看上去只能看到一小部分耳朵，代表呢個人經營和理財的能力很強！不過蕭正楠似乎就因為呢件事引起問題，皆因佢申請美國簽證，條件之一係要佢見到兩隻耳仔，但佢就見唔到，結果佢就十分之醒目仔，用咗個神奇方法解決。

蕭正楠係IG話：「原來影美國簽證的證件相有兩大條件，第一要見哂兩條眉第二要見晒兩隻耳仔，但係我隻耳仔天生貼面，我只可以諗到呢個方法去解決問題！」原來佢係耳仔後貼上膠紙「撐」起隻耳仔！

不少網民都留言讚蕭正楠聰明，「真是聰明」、「咁都被你諗到」、「真係無嗌錯係奇怪先生，好叻呀你！」唔怪得翠如BB叫佢做奇怪先生啦！


[圖擷取自網路，如有疑問請私訊]