【有片】《全民造星》肥仔挑戰經典膠歌　網民：好難聽！

《全民造星》班仔仔嘅表演愈來愈有趣，除咗著重唱同跳，佢哋揀嘅歌都愈來愈估唔到，就好似肥仔咁，佢今次喺「粉絲見面會」竟然揀嚟「丁生」丁子高當年有份唱嘅《寒冰掌》！呢首歌係相信連丁生自己都唔敢再唱，肥仔的確勇氣可喜，不過網民就唔係好buy喎⋯⋯
《寒冰掌》係2005年推出嘅舞曲，由組合「VRF」主唱，最出嗰個成員就係丁生。
Cap嚟見我

估唔到肥仔會拎返呢首被網民視為「膠歌」嘅作品出嚟玩！
一開始就叫觀眾一齊唱，一齊炒熱個場！識玩一定係咁玩！

「寒冰掌　又推甩兩件」識唱嘅最後生都已經係90後喇！
仲chok過當年嘅VRF……

阿神讚肥仔有樣嘢叻，就係好識將舞步融入歌詞。
佢又真係句句歌詞都有晒動作，係有誠意嘅！

Eric Kwok就話，肥仔有個問題，就係跳舞時好有魅力，但跳舞以外就魅力大減。
跳舞就勁喇，不過始終唱歌都唔係肥仔最叻做嘅，所以好多網民都覺得佢唱得麻麻！


睇片
全民造星
【肥仔表演時啲表情真係好正！】好鍾意睇肥仔表演，因為真係感受到佢用熱誠去演出，好投入！


[圖擷取自網路，如有疑問請私訊]