王晶新劇《冒險王衛斯理》　張秀文被逼除衫仲要玩埋鐵鏈

最近唔少男神都封盤，話結婚就結婚，話生仔就生仔。作為粉絲嘅我地，最驚就係見唔到男神BB。而其中一個男神余文樂最近有新劇上映，雖然係拍王晶嘅新劇，但題材都幾新穎，係科幻小說《衛斯理系列》—《冒險王衛斯理》，卡士都唔錯。張秀文仲大show身材，頭幾集就已經除衫，咪話唔吸引！

Cap嚟見我
最近TBB冇咩新劇，睇嚟睇去都係穿越、親情嘅劇情，不過最近有套新劇，係改編自香港科幻作家倪匡嘅科幻小說《衛斯理系列》，幾有噱頭，而且演員卡士都幾勁，由林家棟、任達華同余文樂做主角，完全係電影嘅製作班底！
《冒險王衛斯理》一共會有三季：《支離人》、《藍血人》、《無名發》，雖然依家TBB未有得播，要等到29號先有得睇，但其實愛奇藝已經播緊，唔想等嘅可以去愛奇藝先睹為快~
大家見到係王晶監製就知會重口味啦~而女主演嘅角色個個身材都幾正，扮演國際刑警白素嘅晶女郎身材固然唔惹少。仲有「咪神」之稱嘅張秀文，扮演衛斯理表妹彩虹，頭幾集就已經投懷送抱，仲除埋衫show身材添！

張秀文扮演衛斯理表妹彩虹其實張秀文喺其他節目都show身材，喺《同盟》色誘鄭子誠，大派福利！

喺《冒險王衛斯理》張秀文就俾「支離人」林家棟綁架，仲逼佢除衫！一臉委屈嘅秀文就除淨內衣，大show事業線！林家棟仲將張秀文用鐵鏈再吊高，搞到秀文BB喊曬口，睇到都心痛…….

其實拍呢套戲都幾辛苦，當秀文BB收到劇本時，對埸戲嘅形容凈係「除衫」兩個字，睇到呆一呆。佢仲同導演溝通要除成點。秀文BB就話：「睇劇睇咗好多次，係咪應該要出現呢？唔係我性感開就無所謂，即係你都要說服到觀眾點解會咁發生，先說服到自己去拍，自己拍劇經驗唔算多，但可以用智慧去過濾呢件事會唔會好突兀。」真係好敬業！



[圖擷取自網路，如有疑問請私訊]