佢正過連登女神結衣BB？　巴打：身材又好，樣又好！

講到日本女神，巴打絲打第一個名可能會話係「結衣BB」，對，係新垣結衣，唔係波多野結衣！一直，連登仔都覺得新垣結衣係女神中嘅女神，但最近，有巴打就話搵到個新女神，佢仲正過結衣BB多多聲！
究竟邊個咁正？可以動搖到新垣結衣嘅地位！！！？？
Cap嚟見我

原來就係我哋《延禧攻略》飾演「富察皇后」嘅秦嵐！
佢同結衣BB撞衫，竟然有人話秦嵐更好！WTF？

有人就話秦嵐可以勝過結衣BB，因為佢身材好好，到咗三十幾都咁正！


秦嵐係N年前《環珠格格3天上人間》嘅陳知畫，佢靚到被原作者瓊瑤形容為：「秦嵐一滴淚，天上一顆星」！佢喺《延禧攻略》中高貴溫婉氣質，俘虜晒班觀眾嘅，可謂劇中其中一個人氣最高嘅「女神」！
2003年《環珠格格3天上人間》江南名媛陳知畫2018年《延禧攻略》富察皇后
你以為已經起清秦嵐個底？都仲未掘到底呀？除咗《環珠格格3》，原來秦嵐仲參演過一套陪住香港人長大嘅港劇！真係估佢唔到！
秦嵐曾於2004年演出亞視嘅《我和殭屍有個約會III之永恆國度》，飾演岳飛女兒岳銀瓶，與陳啟泰飾演嘅金國大將軍「完顏不破」係一對。

《我和殭屍有個約會III》岳銀瓶為父上戰場殺敵，造型非常英氣，原來秦嵐嘅可塑性都幾高！

《環珠格格3》嘅陳知畫係江南名媛，氣質柔弱斯文。
富察皇后、陳知畫、岳銀瓶，同是古裝，三種不同感覺。

著返時裝嘅秦嵐，一樣散發仙氣！
睇慣佢著古裝，原來時裝係咁。

37歲嘅佢keep得好好，唔輸比一眾90後花旦。
呢個pose好少女！

唔知大家鍾意邊個多啲呢？
Cap by：連登


[圖擷取自網路，如有疑問請私訊]