王浩信陳自瑤婚姻破裂　小三江嘉敏成功踢走正印

:0:0

出爐視帝王浩信人紅自然是非多，繼之前被傳搭上「達姐」蔡思貝後，又被傳搭上 23 歲人氣女星江嘉敏！早排陳敏之 Call 齊朋友為老公 William 於黃宗澤的餐廳慶祝生日，王浩信與老婆陳自瑤（Yoyo）、蕭正楠、梁烈唯夫婦及黃長興夫婦等一大班朋友都有出席飯局。
陳敏之在社交平台上載大合照，對對夫妻都sweet到爆，尤其黃長興夫婦最閃，只得王浩信、Yoyo 這對夫婦分開 7個身位企，Yoyo 開心舉起拇指，王浩信則笑笑口搭著蕭正楠膊頭。
Cap嚟見我

如今合照時分得開，不禁又令人想起二人婚姻亮紅燈、兩公婆感情轉淡的種種傳聞。

消息指王浩信近年專注事業，無奈忽略了家庭，以致婚姻亮起紅燈。王浩信出席公開活動正式回應：「我只會澄清一次，傳聞全不是事實，我們沒有分居，更沒有私人飯局，只是工作忙碌有時候不能回家。我對傳聞感到好無奈，最擔心會影響到女兒，希望大家給我的家庭一點空間。」

人紅自然是非多，早前二人去英國拍外景時，有劇組人員爆出王浩信背住老婆喺英國搞掂江嘉敏，兩個人完全不避嫌，十幾日又成日一齊去玩，Kaman 又會淨係買定咖啡俾浩信飲，有女送上門自然好快就撻着咗。

Kaman（江嘉敏）其實同陳自瑤有啲似樣，但佢細YoYo十三年，夠晒嫩口。加上 Kaman 外表斯文內裡open，一向鍾意收兵，對男拍檔好主動，拍《誇世代》嗰陣同張繼聰玩到郁手郁腳，但阿聰夠定力。今次浩信以大哥哥身份成日教佢做戲，仲介紹醫生俾佢割眼瘡，好關心佢。

不過返嚟香港之後，浩信係玩家梗係識避忌，加上咁近頒獎禮，更加要小心，所以佢哋明顯收斂好多，會專登扮唔熟冇兩句，但係會成日同一時間傳短訊，搞完手機又眉來眼去，好多時Kaman未有自己戲份，都會提早返公司睇浩信拍戲，爭取見面時間，劇組啲人都知乜嘢事。工作人員透露。王浩信同江嘉敏之前在機場拍外景，王浩信好快就偵察到有記者在場，立即開啟戒備模式刻意避開江嘉敏，江嘉敏雖然都配合，但又忍唔住在他面前行來行去，其間見王浩信跟楊埕說話，江嘉敏又狂偷?，之後更突然遞一部iPad給他，雖然全程沒對話，但王浩信卻很有默契地接住。

王浩信在人前跟她保持距離，但自認鍾意熟男的她，總忍不住引他注意，早幾日他們又一齊拍外景，江嘉敏特別跑到他面前，偷襲劉穎鏇pat pat，之後又向王浩信嘟嘴又小動作多多，大發嬌嗔狂放電，睇到王浩信開心冧笑。對慣熟妻，現在有女主動投懷送抱，難怪王浩信明知有危險都頂唔信誘惑。
忙於拍劇的浩信，接受訪問時謂：「完全唔屬實，我同江嘉敏只係工作上嘅拍檔，只止於此，當幫套劇宣傳啦！希望唔好影響到家人，多謝大家關心。」竟然答得咁行，不過你傳完一個又一個，真係好難信你同YoYo無事喎。