梁詠琪演唱會撐母語唱廣東歌 巴打：果然撐到(露)底

梁詠琪一連兩場嘅《好時辰世界巡迴演唱會》正式喺紅館開騷。事隔7年再踏紅館，圈中朋友都往捧場，城嫂Moka(方媛)、周家怡、關心妍同老公、徐天佑、楊千嬅、周秀娜、黃偉文、薛凱琪、Eric Kwok等等都有份去。
GiGi嘅西班牙籍老公Sergio，都帶埋囡囡Sofia去支持太太，見到佢哋兩父女坐喺第一行，全場觀眾見到即狂叫，老公都都大方向觀眾打招呼。
Cap嚟見我
演唱會三面台全場爆滿。粉紅色頭GiGi穿上閃石粉色長裙現身唱《短髮》，唱完之後Led牆升起高台，GiGi企出去後唱首本名曲《G for Girl》，突然台底有怪風吹起GiGi條裙，成條打底褲都睇到晒，十分性感。
唱到中段高台降番落地，GiGi大跳勁舞，唱完佢就同大家打招呼：「Hello，大家好嗎？」然後再唱《某年仲夏》。
GiGi就話：「多謝，我返嚟啦，終於返到嚟我嘅屋企香港，終於返到嚟開演唱會尾站，我呢幾年好掛住你哋，你哋有冇掛住我呀？」
全場大叫回應：「掛住」，GiGi再話：「掛住就要說出口喎，愛要說出口嘛…返黎香港就梗係要講廣東話，廣東話就梗係我哋嘅母語吖嘛，今晚會盡情唱多啲廣東歌㗎。」之後即時唱了廣東歌《一天一天》。 來源 蘋果日報


[圖擷取自網路，如有疑問請私訊]