「30秒光速餐」澳牛內亂，拆夥開新鋪

年復年、日復日，街坊、上班族、遊客，男女老幼，通通來到佐敦白加士街朝聖。為的是親身體驗「10分鐘吃出香港精神」，一嚐30秒上檯的「光速餐」，同時見識無禮貌但有效率講規矩的伙記。佐敦的澳洲牛奶公司門外，是十年如一日的風景，從早到晚人來人往。這塊老招牌背後，盛載著默默守業的46個寒暑。如今，守業者與澳牛，都進入暮年。正如網上潮文所言：澳牛的黃昏。鄧曉洋與吳逸康等人所開的聯發茶餐廳，他們去年一同聲稱合資一百八十多萬元開鋪。不過，二人反目之後，吳逸康就指，鄧曉洋原來無份夾錢，只是聯發的支薪員工。

他向記者提供有鄧曉洋簽署的僱員合約，列明鄧每月支薪兩萬元。
九龍城聯發茶餐廳繼續營業，未受鄧曉洋離職影響，老闆吳逸康拒絕公開目前的營業額，「總之由佢離職當日，去到今日，我慶幸生意額未跌過，係有上升過。」吳稱，已和廚師掌握了炒蛋的大概煮法。
吳逸康與鄧曉洋，因在一間車行睇車而認識。二人反目之後，吳逸康主動聯絡記者爆料，又展示合約、相片等支持自己的說法。
新澳咖啡餐室仍在裝修，圍板上有炒蛋、西多等圖片，令人聯想到澳牛的炒蛋及鄧曉洋以往任職聯發時售賣的叉燒炒蛋飯。
澳牛現職及舊伙記都聽過，每日閒閒哋做十萬元生意，以此推算，澳牛每年營業額超過三千萬元。不過，年邁的話事人卻沒有交棒承傳大計，如網民所言正步入黃昏。 吳逸康解釋，他沒有搞飲食的經驗，鄧曉洋的參與，意味他會得到鄧父鄧棋楠「加持」，「佢（鄧曉洋）話爸爸會fully support佢做呢樣嘢，我信佢做咗幾十年，點都累積到經營茶餐廳嘅竅門。」吳逸康向記者展示手機內澳牛廚房的相片，證明他曾獲准入內偷師，「影曬所有嘅廚房擺位、喺邊度入貨、夜晚啲嘢點擺，呢啲係佢收咗鋪之後俾我入去影，所有地方全部俾我清楚曬入面係點，我連裡面所有冰櫃，都照辦煮碗，抄到一模一樣。」吳逸康不諱言，聯發是刻意複製澳牛，「我就係想俾人感覺，聯發係鄧曉洋自己做出嚟，除咗有澳洲牛奶八成嘢之外，仲有其他嘢係澳洲牛奶冇得賣嘅。」

聯發開業至今兩年，一直由鄧曉洋負責樓面及廚房，吳逸康則主力宣傳及後勤，表面上兩人合作無間。但今年五月初的一晚，吳逸康突然收到鄧曉洋來電，表示兩星期後離職。吳堅稱事前不察覺鄧有離心：「我最失敗，就係後知後覺。」他事後回想，分歧早於聯發開業第一年就出現，「佢爸爸覺得我虐待佢個仔，覺得佢做得咁辛苦，錢就要俾多啲、工作量應該少啲、休息應該多啲。最好佢落嚟淨係負責打蛋，咩都唔好叫佢做。」其後，他再向舊伙記打聽，得悉鄧曉洋數月前已部署離開聯發，原因是有其他投資者招攬他開更大間的餐廳。 紅磡另開「新澳」由於鄧曉洋與聯發的合約訂明離職通知期為六個月，而鄧只是半個月前提出辭職，吳逸康遂於五月十六日、鄧曉洋離職當日，向他索取約十一萬元的賠償，但鄧最終只支付約兩萬元，尚欠聯發九萬多元。

鄧曉洋其後透過律師，承認九萬多元欠款會分廿四個月免息分期攤還，吳逸康認為，鄧提出的還款期太長無法接受，上個月再出律師信追討，要求鄧在十四日內還款。吳逸康質疑鄧曉洋財力不足，一味靠澳牛後人的名氣，「佢繼續用呢招，我唔可以話佢招搖撞騙，但係繼續話自己係澳牛第二代（指第三代），再吸引第二個投資者去做，可能去到最後，個版本同我一樣。」鄧曉洋向本刊稱，自己已還清欠款，至於離開聯發原因，他只透露是與吳逸康合作不愉快，「我做得開心、樣樣嘢都OK嘅，點解會走呢？好明顯佢個人有問題啦。」當記者引述吳指他嫌工時長、人工低，他就開始發火：「點解其他伙記做十個鐘，我要做十二個鐘先？我覺得我唔需要喎。」鄧曉洋即將在紅磡民泰街開的「新澳咖啡餐室」，新澳兩個字有強烈的抽水味道，背後股東同樣做汽車生意，未見有鄧的名字，他是否又再用當日跟吳逸康合作的模式？

鄧曉洋未有透露，只再次為自己在外開餐廳辯護：「我自己做，發覺開一條line，我唔需要靠屋企，咁一樣OK。」他說得激動，之後更避開記者，反而澳牛真正話事人鄧林泰從容淡定，唔怕被人抽水：「最緊要多謝啲客支持，出面啲人係點做、點搞，我冚棒冷唔理。好多熟客話俾我聽北角有一間好似你呀，澳門有間、九龍城有間，老實講，我就得呢間。」薑，果然係愈老愈辣。 撰文：吳婉英 


[圖擷取自網路，如有疑問請私訊]