![]()
近日TVB播出嘅《與諜同盟》，打住「撈家」羅嘉良時隔８年再度回巢幫TVB拍劇，一播出就引起熱話。好多人都想睇睇「撈家」今時今日嘅演技會系點，期待可以睇到《創世紀》嘅葉榮添再次出現！但播出咗幾集之後，大家嘅反應彈多過贊。好多人認為羅嘉良「回塘」，老態盡顯，連講對白都好似無氣咁。「撈家」嘅表現，就留俾觀眾自己評價啦。今日要講嘅系劇中嘅女角。相信心水清嘅你哋，一定發現到劇中嘅三位女角：李佳芯、黃心穎、湯洛雯都系TVB節目《學是學非》嘅成員，三位小花同場斗戲，究竟邊個更搶鏡呢？
1. 李佳芯![]()
李佳芯因出演「邪花」嘅角色而備受觀眾嘅追捧，喺《學是學非》成員中嘅人氣一直較高。睇得出來，TVB都算系力捧佢，喺多套劇集中都俾佢擔演要角。呢次喺《與諜同盟》中，雖然主線系兩位男角上嘅商戰，但李佳芯亦系第一女主角，喺戲份上無疑係比黃心穎同湯洛雯占優。雖然如此，呢次佢嘅角色系走善良溫柔嘅路線，對比起「邪花」，發揮空間可能相對較少。唔知道咁樣嘅李佳芯，觀眾又受唔受落呢？
2. 黃心穎![]()
黃心穎一向有心穎BB嘅稱呼，因為佢有傲人嘅身材同陽光嘅笑容，喺香港網上嘅人氣一直高企。呢次佢飾演羅嘉良嘅女，系一位十分好勝，律己嚴人嘅「模範生」，以戲份嚟講，佢系第二女主角。雖然以目前情況睇，佢嘅角色發展算系正路，但佢面對下屬時系「女強人」；面對「撈家」時又會有撒嬌嘅一面。唔知道如此嘅「反差萌」能否助黃心穎成功套取觀眾嘅心呢？
3. 湯洛雯![]()
雖然論人氣同戲份，湯洛雯都較前兩者遜色，但因為湯洛雯喺劇中系飾演商業間諜團中嘅社交能手。擅長用美色令目標中伏，對比起前兩者，湯洛雯嘅形象會比較多變。 而且可能喺之後嘅劇情會有出位嘅演出，因此喺角色發揮方面，湯洛雯應會較前兩者占優。不過其實演戲，除咗講求演技同角色發揮，亦好講求演員有無觀眾緣。只要你睇佢順眼，唔理佢做咩角色，你都會覺得順眼。咁以上三位，你又最「順眼」邊個呢？
金句王微信號：jinjuking 來源：mp.weixin.qq.com
[圖擷取自網路，如有疑問請私訊]
