TVB搞咗6屆「香港先生」，有邊位「港男」紅爆燈？

:0:1

「香港先生」選舉（Mr. Hong Kong）系TVB自2005年起舉辦慨男士選美活動，總決賽喺每年7月或8月期間舉行，大會口號為「創造男人新主義」。參賽者經過唔同形式慨篩選而進入總決賽。節目於2012年起全面停辦，總共搞左6年咁大把。以下十幾位「香港先生」雖然仲活躍喺娛樂圈，但真正上到位慨又有幾多個？【高鈞賢】先講2005年首屆港男冠軍，高鈞賢系比蔡思貝更早似木村拓哉慨選美參賽者。雖然初時靠個樣，加上選舉表現得到司儀Do姐加持，撈到2007年有得拍倉底劇《幕後大老爺》做男二，但越撈越霉，《寒山潛龍》要非禮阿婆，自己都頂唔順而約滿走人。離巢後除咗搞餐廳、車房生意，仲返內地拍劇《山海經之赤影傳說》，同劇仲有關智斌。

【鄭健樂】2005年「健力組」冠軍，總冠軍敗於「瀟灑組」冠軍高鈞賢后簽約TVB拍劇，不過亦有眼利網民發現佢早於1997年星爺慨《算死草》就已經做過陪審員。Rocky演出戲集頗多，多屬過鏡角色。本為健身教練慨Rocky，玩 CC fitness慨新《愛回家》自然預埋佢。網民撐得啱，如果睇張振朗、何君誠慨，橫掂都系無演技，起碼Rocky睇得開心先。【黃長興】2005年港男健力組敗於Rocky；入行10年，演技、口才都普通，睇《湊仔攻略》就知。不過似乎專心搞法國餐廳居多，TVB似客串性質，咁咪醒咯。

【陳志健】

2006年健力組冠軍，總冠軍敗於黃長發。曾經憑《仁心解碼》患自閉症慨子浩、《拳王》慨阿力被觀眾網民贊，但小編認為吹大咗。因為都唔好講「愛瑜珈」無發揮慨角色及劇情，只要睇過《張保仔》佢做小虎，就知佢凈系識凸眼扮嬲，睇得出落力演但就無火，被網民形容為「TVB劉馬車」真系夠曬貼切；而且一陣讀稿味，又系健力組出身，其實只系「弱版」慨Rocky，應該要向岳父羅樂林偷偷師。 【姚浩政】

2006年落選港男；主要做主持，據說出面開班好爆滿，系咪咁有料觀眾唔會知道，因為去到邊都仲有阿旦鄭丹瑞。拍劇大茄居多，但《使徒行者》因做歡喜哥手下而有不少鏡頭（上圖右）。【袁偉豪】2007年勇奪港男冠軍前已有不少幕前經驗，例如廣告做「維他奶仔」、《新古惑仔之少年激鬥篇》做巢皮、《賭俠1999》做華神細佬、《重案黐孖Gun》信仔等等。簽TVB，等到2012年《On Call 36小時》首次有男三做，平穩普通；去年《拆局專家》首次做男二，劇本唔得以致演出平平。

代表作一定系膠劇《鐵馬戰車》，就算不計與姚瑤慨感情線，做嬉皮笑臉唔定性慨督察施馬Sir亦唔趕客，而且名義上男二但劇份多過、搶過男一大隻斌。系力捧緊，《飛虎》監製林志華疑似翻炒《無限復活》慨《EU超時任務》就快出街，之後會有《城寨英雄》，即管睇睇值唔值捧。

【李豪】

2007年港男；多得《愛回家》同馬子妮一pair為部分觀眾所認得，不過就被觀眾認為太乸型、講嘢煩而入唔到屋。演藝路暗淡，不過假假地都同羅鈞滿、張景淳、沈震軒3個TVB力捧藝人唱過歌《獸拳戰隊》。

【何君誠】2007年曾以塗俊之名演出亞視劇集《激流青春》，由張達明、黃一飛、邵仲衡帶新人，包括連詩雅和仍叫翟鋒慨翟威廉。2008年落選港男，so far「代表作」為《愛回家》Billy，死未。

【羅天宇】

2008年港男少年組冠軍。做大茄，直到2012年《愛回家》馬子仁一角入屋，全靠劇中佢和阮兒Pinky生B，馬家有得回巢救何君誠、張振朗。人生最大成就系曾經溝掂苟姑娘，雖然苟姑娘堅稱「好守規矩」。【溫家偉】「大隻仔」2008年港男少年組大熱倒灶，入行後通常做傍友或者主角好友，例如《衝線》慨「賤熊」、《鬼同你OT》慨「慢黑鈍」；亦因口音而常做ABC角色，例如《鐵馬戰車》做揸車問路慨鬼仔。最近演出為《潮流教主》，做難得唔使做奸角慨攝影師「認字特警」助手。