iPhone鈴聲免iTune自製教學 Youtube、Spotify都錄到

:0:1

iPhone最麻煩嘅其中一點就係想整鈴聲自用特別麻煩，一係就電腦預先剪好首歌然後再用iTunes改呢樣嗰樣、再唔係就課金俾錢同佢買。不過今次要介紹呢個方法，就唔使經電腦，直接係手機用兩個Apps就整得，而且連Youtube、Spotify甚至KKbox嘅歌都轉得！
撰文：Mike丨圖片來源：Youtube截圖
閱讀全文
iPhone鈴聲自錄無難度Step 1：首先大家要準備兩個Apps，其中一個叫格式工廠（Click個名就會自己入App Store），一個就係iPhone預設會有嘅Garageband。

Step 2：之後大家就要去「控制中心」<-「設定」<-「自訂控制項目」

再紅圈裡面「螢幕錄影」選項（㩒左邊個錄色+號）

Step 3：跟住去控制中心再點擊紅圈中個螢幕錄影掣

之後就去你想錄嘅歌度開始播歌吧！錄完後再㩒多次螢幕錄影。

Step 4：
跟住就要打開「格式工廠」，再㩒右上角個+號去匯入頭先你錄個條片。

Step 5：然後就㩒片名右邊個「！」，再選擇「轉換」將條片轉做MP3。

如果錄歌個時覺得條片細聲的話，大家可以係「音量」個度再較大聲，反之亦可以用同一功能將音量調低。

Step 6：轉換完成後會返到之前檔案選擇畫面，今次就㩒頭先轉好個首MP3檔案右邊！號，之後就選擇「發送及保存」。

之後再選擇「我的iPhone」->GarageBand->GarageBand File Transfer

Step 7：依家打開GarageBand，開始時佢會叫你選擇檔案位置，個時就揀「GarageBand」，再選擇「製作文件」。

然後就將畫面由右至左撥直至見到「錄音機」然後點擊畫面。

Step 8：見到呢個畫面時就點擊紅圈中個icon

然後去到呢個畫面就㩒右上角紅圈個Icon

Step 9：去到呢個畫面時就點擊「檔案」，再選擇你要轉做鈴聲嘅MP3，不過大家要㩒實首歌先可以入到下個畫面。

將首歌放好位（最頂數字代表秒數，iPhone鈴聲最多只可以30秒）

Step 10：完成後就㩒左上角紅圈個倒三角icon。

見到呢個畫面時就㩒實你頭先整完個首歌，之後出現選項欄時就揀「分享」

最後再揀「鈴聲」就可以將首歌轉做鈴聲。

注意事項：雖然呢個方法的確方便，但大家要緊記一點就係iPhone本身鈴聲有30秒限制，多一秒的話就算你整好個鈴聲佢都唔會俾你用。另外當然就係要注意版權呢回事，唔好用呢個方法去偷錄網上啲歌。
膠通消息來源：新Monday
睇埋新iPhone將具備無線充電功能？關於新iPhone的資訊不斷傳出，有指新iPhone將會使用三鏡頭設計，而相信這個設計也將成真。而近日又有新消息流出，指新iPhone將具有無線充電功能，可以為其他裝置充電！加上AirPower的話，不就是充上充了嗎？
撰文：Gag直街丨圖片：iPhone、Digital Trends丨資料：Techrader
傳新iPhone將具有無線充電功能Apple分析師郭明錤近日指出，新iPhone將會加入一個名為”bilateral”的功能，而這個功能就是一個具備無線充電的功能。用家在使用新iPhone的途中，能夠將其變成無線充電裝置，為到其他裝置提供電源。