C命案最新推測 傳玩「韓國版碟仙」出事 | 真心膠 | 膠Hub

2013年加拿大華裔女生藍可兒（Elisa Lam）喺美國洛杉磯塞西爾酒店（Cecil Hotel）離奇死亡事件，咁多年嚟一直疑點重重，仲有好多謎團未解，呢單懸案漸漸變成都市傳說，網民每隔一排就會拎返出嚟討論。最近就有網民翻睇出事前由酒店電梯CCTV拍低嘅最後片段，將藍可兒嘅怪異行為，好似亂撳電梯按鈕，對著空氣講嘢咁，聯想到韓國嘅都市傳說——「電梯遊戲」。


閱讀全文
所謂「電梯遊戲」，有「韓國版碟仙」之稱，指一個人獨自進入電梯，只要合乎遊戲所須嘅環境條件，並完成整個遊戲程序，就可以同「另一個空間」接軌，打開異界嘅大門，至於進入異世界之後可唔可以返回現實世界，抑或人間蒸法呢？就係一個謎！同玩碟仙一樣，自己玩，就要自己承受後果！
藍可兒案呢個CCTV畫面真係好經典


電梯遊戲所須嘅環境條件同埋程序：

遊戲必須獨自進行，電梯樓層要達10層或以上，而且一定要有4樓。 

進入電梯後，按4樓，到達4樓後唔好出去，再按2樓。 

到達2樓後，唔好出去，再按下6樓，到達6樓都係唔好出去，再按回2樓。 

當到達2樓後，唔好出去，再按10樓，到10樓再按5樓。

到達5樓，當梯門打開後，可能會遇到一個女人，但千祈唔好同佢講嘢。 

再按1樓，如果電梯反方向上升到10樓，即係遊戲成功，如果正常咁返回1樓，即係失敗，可以出lift走人，但切記唔好同喺5樓遇到嘅女人接觸同講嘢。 

成功到達10樓後即可出lift，呢個空間基本上係同現實世界一模一樣，但係呢個世界只會得返你一個人。 

想返現實世界，必須搭返同一部電梯離開，重覆以上部驟，直至能夠返回1樓為止。「電梯遊戲」係靈異定荒謬？信不信由你！
洛杉磯塞西爾酒店（Cecil Hotel）


氣氛詭異嘅lobby

藍可兒伏屍的水塔

膠通消息來源：高登
 
 
 
 
 


[圖擷取自網路，如有疑問請私訊]