50萬斟拍3級片吳日言：我值50萬囉！

:0:0

成功需苦幹，但在娛樂圈，即使肯苦幹，都不一定成大器。
04年以歌手身份出道，入行剛好10年的吳日言，近日為有線做娛樂節目直播主持，10年間跟兩間唱片公司解過約，沒錢開飯被迫行三點式泳衣騷，患過情緒病，想過自殺消失於這個世界上；幸經好友森美、小儀多番開解最後心結打開，如今已成為寵物衫公司其中一名股東。週日（16日）心情靚爆的吳日言向記者自爆，09年與舊公司解約後曾被邀拍露點三級片，片商開價50萬，最後當然拍不成！如今回想，她說：「我的價是值50萬」。

週日（ 16日），吳日言與記者做訪問，見她精神狀態不錯，期間仲傾到手舞足蹈。
31歲的吳日言，04年加入Silly Thing，成為麥浚龍師妹，可是05年出完第三張唱片後便解約收場。後來曾加入Neway Star，12年亦遭公司主動解約。歌星夢撈唔起，但原來曾有電影公司主動聯絡，出50萬酬勞邀拍三級電影，吳日言當時諗都無諗即一口拒絕。
曾經窮到連基本生活使費都冇剩，守身如玉的吳日言連泳衣騷都要接，馬死落地行囉。
《3D肉蒲團》 09年開始籌備， 11年上映，與吳日言所講09年收到邀請非常接近。當年雷凱欣因《肉》劇一炮而紅，但人氣亦迅速下滑，吳日言唔算走寶。
露點唔肯制
「 08、 09年，前經理人同我講，有間電影公司想搵我拍三級片，要露點嘅！電影公司開咗個價錢係 50萬。好彩嗰時唔等錢使，唔係真係會行差踏錯！咁我就知我個價原來係值 50萬！」
吳日言口中的三級片，據知是由蕭若元、蕭定一監製的《 3D玉蒲團之極樂寶鑑》，吳日言是其中一個被邀拍的女藝人，雖然票房高達 4千萬，但主角雷凱欣、藍燕等人已消失於娛圈，下場似乎比吳日言更慘。

拍拖多年的圈外男友其實長期不在港，單親長大的吳日言亦冇結婚打算，但唔排除有日會未婚生仔。

04年出過第一集唱片，紅色冬菇頭係當時標記。
好多謝森美
出道 10年，吳日言跌過痛過，最谷底的時候患過情緒病，無意間多得森美及早發現。「有次同森美傾偈，自己突然間爆喊，係佢提醒我再咁落去會有情緒病。」當時已無工作在身，戶口餘額又所剩無多，「開飯都成問題，仲點睇醫生吖？如果嗰段期間係無朋友搵我出去，我諗我可能消失咗喺呢個世界上。」多得森美和小儀開解陪伴，加上開始搞寵物衫和電話 app生意，吳日言專心工作，慢慢打消輕生念頭。

如今吳日言對娛樂圈已睇化，「入行 10年我好多嘢都睇化，即使無幕前演出都好啦，我覺得我自己係一個有用嘅人就已經好足夠。」

週日（ 16日）吳日言親身帶齊自家公司狗仔衫到寵物店 set架擺貨，開業半年有多，期待快啲冬天有多啲生意。
11月開始喺有線做《今日觀點》直播主持，講嚇娛樂圈最新消息，再加埋自己意見同觀眾分享。
與森美份屬好友關係，冇工開的日子，森美間中都會叫埋吳日言一齊開咪做嘉賓。
2大生意

吳日言雖然鍾意唱歌，不過唔 work就係唔 work， 2年前吳日言與友人合作搞 Qr Hunter App，「每個星期日， 4-7都要落旺角做 road show，派禮物宣傳嚇個 app，其實反應幾好，至少我哋個 app仲喺度，好多對手已經消失咗！」
出過寵物書，讀過寵物美容，年初與開廠友人提議搞寵物衫生意 Dogaholic，友人投資 8位數字，吳日言負責將衫仔擺落全港寵物店寄賣。「已經打出咗香港，o依家日本、台灣、國內同比利時都有得賣，嚟緊連續兩個週末仲有特賣，唔買都嚟睇嚇！」認真 hard sell。