【成功需苦幹】吳千語又有新金主　同富三代歐遊同居被斷正 | 真心膠 | 膠Hub

一提吳千語呢個名，除咗林峯，就係大眾眼中嘅拜金，同曾經「我好愛好愛好愛好愛好愛好愛好愛BB」嘅林峯分手之後，咁咪得返拜⋯⋯千語BB拜唔拜金，肥仔黎就唔知，不過新金龜已釣！據今日《壹週刊》報道，千語BB被影到同「富三代」施伯雄（Brian）歐遊返港，仲一齊喺山頂同居！演藝代表作冇乜，不過講到掘金能力，in千語BB，we trust！
閱讀全文
今年年初，傳出吳千語同林峯分手嘅消息時，有指千語BB已搭上「富三代」施伯雄，不過一個月前佢都仲話同對方冇乜特別聯絡。


不過據今日《壹週刊》報道，千語BB被影到同「富三代」施伯雄歐遊返港，仲一齊喺山頂同居！


最鍾意Shopping嘅千語BB同新金主Brian去歐洲掃貨，玩足10日後返港。


玩完返香港後，二人喺機場嘅停車場一齊等車，終於被斷正！

一齊返到位於山頂嘅男方屋企，疑似同居。

仲要喺正以前同林峯同居嘅舊屋企對面！

千語BB一向俾人「洗腳唔抺腳」、拜金嘅形象，新歡Brian雖然有米，不過作風慳家，身為女友都要配合一下。


以前同林峯拍拖嘅時候，千語BB搭飛機一定搭頭等，出入有專屬保姆車同私人司機接送。

而家同新歡施伯雄一齊，就要「屈就」一下，搭Econ同坐Uber。

以前用十幾萬嘅Herme手袋。

而家「降呢」用二萬蚊以下嘅手袋。

忍一時，慳一慳，遲啲入咗豪門，就一世無憂啦！

「富三代」施伯雄身家背景雄厚，同「廈門李嘉誠個仔」林峯相比，有過之而無不及。


估唔到林峯都會輸！！


膠通消息來源：壹週刊


[圖擷取自網路，如有疑問請私訊]