【史上最瘋癲男友】因為模型而分手　港女：佢有尊重過我咩？ | 多戀事 | 膠Hub

男仔鍾意砌模型都明嘅，不過因為模型搞到要同女朋友分手，就真係嚴重咗啲！最近有絲打喺連登開post，話男朋友因為成日逼佢聽模型啲嘢，最後忍唔住爆seed話好憎模型，就係咁男朋友就覺得佢唔尊重自己嘅興趣而嗌分手。閱讀全文
最近有絲打喺連登開post話男朋友因為啲模型而同佢講分手，是咁的，絲打男朋友好鍾意模型figure，好似高達、幪面超人、機械人，連戰隊系列都鍾意。同男朋友一齊咗三年，最初知道佢興趣都冇乜野，仲覺得幾有趣，男朋友又成日同佢分享鍾意嘅角色同故事，介紹晒比佢識，聽落都好似冇咩問題。
點知就嚟料啦！基本上次次見面，男朋友都會講佢啲玩具點點點、幪面超人/龍珠/xx戰隊嘅故事，一講就唔停口，完咗一個話題就再講另一個，有時仲會特登send啲片比佢睇，都算啦！


點知出到街仲衰！男朋友行街見到有佢鍾意嘅角色就問絲打係咩名、認唔認得佢係邊個，如果絲打唔記得，佢又會重新講多次個故事出嚟。 行街好多時都會陪男朋友行玩具鋪，經過旺角油麻地一定會去睇，睇親就問邊隻靚啲或者型啲。 大佬呀隻隻都差唔多款，係顏色有啲唔同，所以絲打次次都揀自己鍾意嘅顏色就算。


絲打開頭都覺得無問題，但日子耐咗就開始頂唔順。絲打緊係即刻同男朋友反映自己對啲模型玩具冇興趣，但講完男朋友都係冇乜改過，久而久之，絲打變咗真係對模型玩具反晒感，忍唔住發火話唔鍾意佢啲玩具，好憎佢地，叫佢唔好咁過份，間房冇哂位就唔好再買。點知男朋友竟然話女朋友唔尊重佢，扼殺佢嘅興趣同夢想而嗌分手，話要搵過個尊重同明白佢嘅女仔。
絲打好嬲咁話「佢有尊重過我咩？由一開始就不斷洗我腦，唔理我想唔想聽，都不停地講，話題永遠唔轉。其實我唔理你鍾意咩都好，大家各有各空間唔得咩？其實我真係好辛苦。」


唔少網友睇到都忍唔住要留言，叫絲打唔好忍，分手啦！
是龜也是頭是龜頭

咁咪分手囉
都唔夾

連登力王

都好X煩下
睇佢應該唔會改 分手啦

金廷祐

分手啦
根本唔夾
佢分手之後九成九搵返你轉頭
邊有女仔可以頂到咁耐

自私之人

唔夾，分手啦，你朋友無錯
落後只會辛苦

熊本城公主

自我中心，又唔識尊重人
搵過下一個算啦

仲有網友食花生：
Johnny_Marr

你男朋友好onX

開不了口

又毒又自我中心，講到分手識下個咁易

你有Freestyle嗎?

條仔好悶

返工等放工la

我相信你條仔要識到一個好似佢咁顛ge女仔都唔容易
你大返佢話你等孤獨終老啦

天才玩家M

毒X一個

Hyunjin

其實我都鐘意搵啲毒毒地既男仔做男友，但無諗過毒到一個極致原來係咁恐怖

盧梭

玩figure好過週圍玩女
佢同你講玩具好過講ig 女神

點都好啦！大家唔同興趣又真係好難捱落去嘅，絲打真係想繼續一齊嘅就好好同男朋友傾傾啦！


[圖擷取自網路，如有疑問請私訊]